മുംബൈയിൽ അഞ്ചു ദിവസം കൂടി കനത്ത മഴ പെയ്യും; പുറത്തിറങ്ങാനാകാതെ ജനങ്ങൾ

മുംബൈയിൽ  കനത്ത മഴ  അഞ്ചു ദിവസം കൂടു നീണ്ടു നിൽക്കും ജനജീവിതം സ്തംഭിച്ചു

മഹാരാഷ്ട്ര: മുംബൈ യിലെ ഒട്ടു മിക്ക പ്രദേശങ്ങളും കനത്ത മഴയിൽ ജനജീവിതം സ്തംഭിച്ച അവസ്ഥയിലാണ്. മഴ അഞ്ചു ദിവസം കൂടി ഇതേ രീതിയിൽ നീണ്ടു നിൽക്കുമെന്ന് കാലാവസ്ഥാ നിരീക്ഷണ കേന്ദ്രം വ്യക്തമാക്കുന്നു. താനെ, നവി മുംബൈ, മലാഡ്, ബോരിവാലി എന്നിവിടങ്ങളിൽ ട്രെയിൻ ​ഗതാ​ഗതം തടസ്സപ്പെട്ട അവസ്ഥയാണ് നിലനിൽക്കുന്നത്. 

കനത്ത മഴയിൽ വെള്ളം പൊങ്ങി റെയിൽപ്പാളം കാണാനാവാത്ത സ്ഥിതിയാണ്. ഉല്ലാസ് നദിയിലെ ജലനിരപ്പ് ക്രമാതീതമായി വർദ്ധച്ചിരിക്കുന്നു. ഇനിയും ജലനിരപ്പ് ഉയരാനാണ് സാധ്യത എന്ന് വിദ​ഗ്ദ്ധർ വിലയിരുത്തുന്നു. താനെയിൽ 40 സെന്റീമീറ്ററാണ് മഴ രേഖപ്പെടുത്തിയിരിക്കുന്നത്. മഴ കാരണം സ്കൂളുകൾ അടച്ചിരിക്കുകയാണ്. ന​ഗരത്തിന്റെ പല ഭാ​ഗങ്ങളും വെള്ളത്തിനടിയിലാണ്.