വാഹനാപകട കേസുകളുടെ ചുമതല ഇനി ലോക്കല് പൊലീസിന്
Synopsis
വാഹനാപകട കേസിന്റെ ചുമതല ലോക്കല് പൊലീസിലേക്ക് മാറ്റി
തിരുവനന്തപുരം: വാഹനാപകട കേസുകളില് അന്വേഷണ ചുമതല ട്രാഫിക് പൊലീസില് നിന്ന് ലോക്കല് പൊലീസിലേക്ക് മാറ്റാന് മന്ത്രിസഭായോഗ തീരുമാനം. ട്രാഫിക് പൊലീസ് സ്റ്റേഷനുകളെ ട്രാഫിക് എന്ഫോഴ്സ്മെന്റിനും നിയന്ത്രണത്തിനും മാത്രമാക്കാന് ഉദ്ദേശിച്ചാണ് ഈ തീരുമാനം.
അപകടങ്ങളുടെ അന്വേഷണ ചുമതല ലോക്കല് പൊലീസ് സ്റ്റേഷനുകളിലേക്ക് മാറുമ്പോള് ട്രാഫിക് നിയന്ത്രണം ശക്തമാക്കാനും അപകടങ്ങള് കുറയ്ക്കാനും ഗതാഗത കുരുക്ക് ലഘൂകരിക്കാനും കഴിയുമെന്നാണ് കണക്കുകൂട്ടല്. ട്രാഫിക് പോലീസ് സ്റ്റേഷനുകളുടെ പേര് 'ട്രാഫിക് എന്ഫോഴ്സ്മെന്റ് യൂണിറ്റ്' എന്നാക്കി മാറ്റാനും തീരുമാനിച്ചു.
അതേസമയം പുതുതായി ആരംഭിക്കുന്ന മട്ടന്നൂര് എയര്പോര്ട്ട് (കണ്ണൂര്), ഇലവുംതിട്ട (പത്തനംതിട്ട), കണ്ണനല്ലൂര് (കൊല്ലം), പന്തീരാങ്കാവ് (കോഴിക്കോട്), ഉടുമ്പന്ച്ചോല (ഇടുക്കി), മേല്പ്പറമ്പ് (കാസര്കോട്) എന്നീ സ്റ്റേഷനുകളിലേക്ക് 186 പുതിയ തസ്തികകള് സൃഷ്ടിക്കാന് തീരുമാനിച്ചു. ഇതിനു പുറമേ 30 പേരെ സമീപ പോലീസ് സ്റ്റേഷനുകളില് നിന്ന് പുനര്വിന്യസിക്കും.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam