2014 മുതല് രാജ്യം തെറ്റായ ദിശയിലാണ് സഞ്ചരിക്കുന്നതെന്ന് അമൃത്യാസെന്
Synopsis
കേന്ദ്രസർക്കാരിനെതിരെ രൂക്ഷവിമർശനവുമായി പ്രശസ്ത സാമ്പത്തിക ശാസ്ത്രജ്ഞൻ അമൃത്യാസെന്.
ദില്ലി: കേന്ദ്രസർക്കാരിനെതിരെ രൂക്ഷവിമർശനവുമായി പ്രശസ്ത സാമ്പത്തിക ശാസ്ത്രജ്ഞൻ അമൃത്യാസെന്. 2014 മുതല് രാജ്യം തെറ്റായ ദിശയിലാണ് സഞ്ചരിക്കുന്നതെന്ന് അമൃത്യാസെന് പറഞ്ഞു. ദക്ഷിണേഷ്യയിലെ ഏറ്റവും മോശപ്പെട്ട രാജ്യങ്ങളില് രണ്ടാമതാണ് നിലവില് ഇന്ത്യയെന്നും അദ്ദേഹം അഭിപ്രായപ്പെട്ടു.‘കാര്യങ്ങള് വളരെ മോശമായ രീതിയിലാണ് പോയിക്കൊണ്ടിരിക്കുന്നത്. 2014 മുതല് രാജ്യം തെറ്റായ ദിശയില് സഞ്ചരിക്കുകയാണ്.
അതിവേഗം വളരുന്ന സാമ്പത്തിക രാജ്യം എന്ന നിലയില് നിന്നും രാജ്യം വളരെ പിറകോട്ട് പോയെന്നും അമൃത്യാസെന് പറഞ്ഞു. .20 വര്ഷം മുന്പ് ദക്ഷിണേഷ്യയിലെ ആറ് രാജ്യങ്ങളായ ഇന്ത്യ, ശ്രീലങ്ക, പാകിസ്ഥാന്, നേപ്പാള്, ബംഗ്ലാദേശ്, ഭൂട്ടാന് എന്നിവയില് രണ്ടാമതായിരുന്നു നമ്മുടെ രാജ്യം. എന്നാല് ഇന്ന് പാകിസ്ഥാന് പിന്നില് ഏറ്റവും മോശപ്പെട്ട രാജ്യങ്ങളുടെ പട്ടികയിലാണ് ഇന്ത്യയുടെ സ്ഥാനമെന്നും അദ്ദേഹം അഭിപ്രായപ്പെട്ടു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam