കാത്തിരിപ്പുകള്ക്കൊടുവില് ഇന്ത്യന് സൈനികര്ക്ക് ബുള്ളറ്റ് പ്രൂഫ് ജാക്കറ്റുകളെത്തുന്നു
Synopsis
ഇന്ത്യന് സൈനികര്ക്ക് ബുള്ളറ്റ് പ്രൂഫ് ജാക്കറ്റുകള് ഉടന്
ദില്ലി: ഒമ്പത് വര്ഷത്തെ ആവശ്യങ്ങള്ക്കൊടുവില് ഇന്ത്യന് സൈനികര്ക്ക് അത്യാധുനിക നിലവാരത്തിലുള്ള ബുളളറ്റ് പ്രൂഫ് ജാക്കറ്റ് നല്കാന് കേന്ദ്ര സര്ക്കാര് തീരുമാനം. 1.86 ലക്ഷം ബുള്ളറ്റ് പ്രൂഫ് ജാക്കറ്റുകള്ക്കുള്ള കരാറില് സര്ക്കാര് ഒപ്പ് വച്ചു. കഴിഞ്ഞ ഒമ്പത് വര്ഷമായുള്ള സൈനികരുടെ ആവശ്യമാണ് ബുള്ളറ്റ് പ്രൂഫ് ജാക്കറ്റുകള്.
ദില്ലി കേന്ദ്രമായി പ്രവര്ത്തിക്കുന്ന എസ്എംപിപി പ്രൈവറ്റ് ലിമിറ്റഡ് ആണ് കരാര് നേടിയത്. 639 കോടി രൂപയുടെ കരാറിലാണ് കേന്ദ്രം കഴിഞ്ഞ ദിവസം ഒപ്പുവച്ചത്. ഇതുവരെ ചെയ്തതില് ഏറ്റവും വലിയ കരാറാണ് എസ്എംപിയ്ക്ക ഇതിലൂടെ ലഭിച്ചിരിക്കുന്നത്.
മൂന്ന് വര്ഷത്തിനുള്ളില് മുഴുവന് ജാക്കറ്റുകളും നല്കാനാകുമെന്നാണ് കരുതുന്നതെന്ന് എസ്എംപി പറഞ്ഞു. വെടിയുണ്ടകളെ പ്രതിരോധിക്കാന് കവചങ്ങള് നിര്മ്മിക്കുന്നതിന് ഏറ്റവും ഘനം കുറഞ്ഞ വസ്തുവായ ബോറോണ് കാര്ബൈഡ് സെറാമിക് ഉപയോഗിച്ചാണ് ബുള്ളറ്റ് പ്രൂഫ് ജാക്കറ്റുകള് നിര്മ്മിക്കുക എന്ന് കമ്പനി വ്യക്തമാക്കി. അപകട സാധ്യത കൂടിയ സൈനിക ഇടപെടലുകളില് സൈനികരെ സംരക്ഷിക്കാന് ഈ ബുള്ളറ്റ് പ്രൂഫുകള്ക്കാകുമെന്ന് ഇവര് പറഞ്ഞു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam