സൗദിയില് നിന്ന് മടങ്ങുന്ന ഇന്ത്യക്കാരുടെ എണ്ണത്തില് വര്ദ്ധനവ്
Synopsis
സൗദി: സൗദി അറേബ്യ കഴിഞ്ഞ വര്ഷം വിവിധ രാജ്യങ്ങള്ക്ക് അനുവദിച്ചത് ഒന്നേകാല് കോടി വിസകള്. ഇതില് 15 ലക്ഷം സന്ദര്ശക വിസകളും അഞ്ചു ലക്ഷം ബിസിനസ് വിസിറ്റ് വിസകളുമാണ്. വിദേശ രാജ്യങ്ങളിലെ സൗദി നയതന്ത്ര കാര്യാലയങ്ങള് കഴിഞ്ഞ വര്ഷം വിവിധ രാജ്യങ്ങളിലെ പൗരന്മാര്ക്ക് അനുവദിച്ച വിസയുടെ വിവരം ഡെപ്യൂട്ടി വിദേശകാര്യ മന്ത്രി അബ്ദുറഹ്മാന് അല് യൂസുഫ് ആണ് അറിയിച്ചത്.
അതേസമയം കഴിഞ്ഞ സെപ്റ്റംബറിനു ശേഷം സൗദിയില് നിന്ന് മടങ്ങുന്ന ഇന്ത്യക്കാരുടെ എണ്ണം കൂടിയിട്ടുണ്ട്. കഴിഞ്ഞ വര്ഷം സെപ്റ്റംബര് 12 വരെ 3253901 ഇന്ത്യക്കാര് സൗദിയിലുണ്ടായിരുന്നതായാണ് ഇന്ത്യന് എംബസിയുടെ കണക്ക്. എന്നാല് നിലവില് 3051711 ഇന്ത്യക്കാര് മാത്രമാണ് സൗദിയിലുള്ളതെന്ന് ഇന്ത്യന് എംബസി കമ്മ്യൂണിറ്റി വെല്ഫെയര് വിഭാഗം കോണ്സുലാര് അനില് നോട്ടിയാല് അറിയിച്ചു.
കൂടുതല് തൊഴില് മേഖല സ്വദേശിവല്ക്കരിക്കുന്നത് മൂലം നിരവധി വിദേശികള് ഈ വര്ഷം സ്വദേശത്തേക്ക് മടങ്ങാന് നിര്ബന്ധിതരാകുമെന്നാണ് വിലയിരുത്തല്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam