മാതാപിതാക്കള് വഴക്കിട്ട് വീടുപൂട്ടിപ്പോയി; ഒന്നര വയസ്സുകാരിക്ക് ദാരുണാന്ത്യം
Synopsis
ജയ്പുര്: മാതാപിതാക്കള് വീട്ടില് പൂട്ടിയിട്ടു പോയ ഒന്നര വയസ്സുകാരി മരിച്ച നിലയില്. വെള്ളിയാഴ്ച ജയ്പുരിലെ ബന്സ്വാരയില് നടന്ന സംഭവം ശനിയാഴ്ച ഉച്ചയോടെയാണ് പുറത്തറിഞ്ഞത്. കുട്ടിയുടെ മാതാപിതാക്കള് തമ്മില് വഴക്കുണ്ടായതിനെത്തുടര്ന്ന് അമ്മ അവരുടെ വീട്ടിലേക്കു പോയി. അല്പസമയം കഴിഞ്ഞപ്പോള് പിതാവും വീടു പൂട്ടി പുറത്തേക്കു പോയി.
ശനിയാഴ്ചയോടെ വീടിനകത്ത് നിന്ന് ദുര്ഗന്ധം വമിച്ചതിനെത്തുടര്ന്ന് പ്രദേശത്തെ ഒരു അംഗന്വാടി ജീവനക്കാരന് പൊലീസില് വിവരം അറിയിക്കുകയായിരുന്നു. പൊലീസ് എത്തും മുന്പേ കുഞ്ഞിന്റെ മരണം സംഭവിച്ചിരുന്നു. തുടര്ന്ന് പൊലീസ് വിവരം അറിയിച്ചപ്പോഴാണ് മാതാപിതാക്കളും എത്തിയത്.
മൃതദേഹം പോസ്റ്റ്മോര്ട്ടത്തിനു ശേഷം വിട്ടുകൊടുത്തു. കോട്വാലി പൊലീസ് അന്വേഷണം ആരംഭിച്ചിട്ടുണ്ട്. പോസ്റ്റ്മോര്ട്ടം റിപ്പോര്ട്ട് ലഭിച്ചതിനു ശേഷം മാത്രമേ മരണകാരണം വ്യക്തമാകൂവെന്ന് പൊലീസ് അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam