കൊച്ചി മെട്രോ നേതൃത്വത്തിനെതിരെ വിവരാവകാശകമ്മീഷന്;ആവശ്യപ്പെട്ട വിവരങ്ങള് നല്കിയില്ലെങ്കില് നടപടി
Synopsis
നിര്ദേശം ജനകീയമെട്രോ യാത്ര സംബന്ധിച്ച പരാതിയില്
കൊച്ചി: കൊച്ചി മെട്രോ റെയില് നേതൃത്വത്തിനെതിരെ സംസ്ഥാന വിവരാവകാശ കമ്മീഷന്. വിവരാവകാശ നിയമപ്രകാരം ആവശ്യപ്പെട്ട വിവരങ്ങള് നിശ്ചിത സമയത്തിനകം നല്കിയില്ലെങ്കില് നടപടി സ്വീകരിക്കുമെന്ന് കമ്മീഷന് വ്യക്തമാക്കി. മുന് മുഖ്യമന്ത്രി ഉമ്മന് ചാണ്ടിയും കോണ്ഗ്രസ് പ്രവര്ത്തകരും നടത്തിയ യാത്രയെക്കുറിച്ചുള്ള വിവരങ്ങള് നല്കാത്തതിനെതിരെയാണ് വിവരാവകാശ കമ്മീഷന് രംഗത്തെത്തിയത്.
മുന് മുഖ്യമന്ത്രി ഉമ്മന് ചാണ്ടിയും കോണ്ഗ്രസ് പ്രവര്ത്തകരും നടത്തിയ മെട്രോ യാത്ര വിവാദമായിരുന്നു.ഇതിനെതിരെ കെഎംആര്എല് പൊലീസില് പരാതി നല്കുകയും ചെയതു. എന്നാല് പിന്നീട് പരാതിയില് ഒരു നടപടിയും ഉണ്ടായില്ല.സംഭവത്തിൽ തുടര് നടപടിയ്ക്ക് കെഎംആര് എല് മടിക്കുന്നുവെന്ന ആക്ഷേപവും ഉയര്ന്നു.
നടപടി സംബന്ധിച്ച വിശദാംശങ്ങള് വിവരകാശ പ്രകാരം ആവശ്യപ്പെട്ടെങ്കിലും നാശനഷ്ടങ്ങള് ഉള്പ്പെടെയുള്ള പല ചോദ്യങ്ങള്ക്കും മറുപടി നല്കാന് കെഎംആര്എല് തയ്യാറായില്ല. അപ്പീല് നല്കിയിട്ടും ഫലമുണ്ടായില്ല. അന്വേഷണം നടക്കുന്നതിനാല് മറുപടി നലകാനാവില്ല എന്നായിരുന്നു കെഎംആര്എല് നിലപാട്. ഈ സാഹചര്യത്തിലാണ് വിവരാവകാശകമ്മീഷന്റെ ഇടപെടല്. വിവരാവകാശങ്ങള്ക്ക് കെഎംആര്എല് കൃത്യമായ മറുപടി നല്കാറില്ലെന്ന പരാതികള് നേരത്തേയും ഉയര്ന്നിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam