ജെഎന്‍യുവില്‍ കാണാതായ വിദ്യാര്‍ഥിനിയെ കണ്ടെത്തി

ദില്ലി: ജെഎൻയുവിൽ നിന്ന് കാണാതായ വിദ്യാർഥിനിയെ കണ്ടെത്തിയതായി ദില്ലി പൊലീസ് ഡെപ്യൂട്ടി കമ്മീഷണർ അറിയിച്ചു. 
വിദ്യാർത്ഥിനി സ്വന്തം താത്പര്യപ്രകാരം പോയതാണെന്നും പ്രശ്നങ്ങളില്ലെന്നും പൊലീസ് വ്യക്തമാക്കി. പൂജ കസ്ന എന്ന 25കാരിയായ ഗവേഷകയെയായിരുന്നു​ കാമ്പസിൽ നിന്ന്​ കാണാതായത്​. ഇതുസംബന്ധിച്ച്​ രക്ഷിതാക്കള്‍ൽ തട്ടികൊണ്ടുപോകലിന്​ വസന്ത്​കുഞ്ച്​ പൊലീസിൽ കേസ് നല്‍കിയിരുന്നു​. കാമ്പസിലെ ഷിപ്ര ഹോസ്റ്റലിലെ അന്തേവാസിയാണ്​ കസ്ന.

കാണാതായതുമുതൽ ഫോൺ സ്വിച്ച്​ ഓഫ്​ ആയിരുന്നു. ഗാസിയാബാദിന്​ സമീപം താമസിക്കുന്ന രക്ഷിതാക്കൾ അവസാനം മകളുമായി സംസാരിച്ചത്​ കഴിഞ്ഞ പത്തിനാണ്​. രാത്രി ഭക്ഷണം കഴിച്ച്​ ഹോസ്റ്റൽ റൂമിലേക്ക്​ മടങ്ങുകയാണെന്നാണ്​ കസ്ന അന്ന്​ രക്ഷിതാക്കളോട്​ പറഞ്ഞത്​. പിന്നീട്​ ഫോണിൽ ലഭിക്കാതെ വന്നതോടെ രക്ഷിതാക്കൾ ദില്ലിയില്‍ എത്തിയ​പ്പോള്‍ ഹോസ്​റ്റൽ റൂം പൂട്ടിയ നിലയിലായിരുന്നു. രണ്ട്​ ദിവസമായി റൂം അടഞ്ഞുകിടക്കുകയാണെന്നും കസ്ന വീട്ടിൽ പോയതാണെന്ന്​ കരുതിയതായും ഹോസ്റ്റലിലെ ഏതാനും വിദ്യാർഥികൾ രക്ഷിതാക്കളോട്​ പറഞ്ഞു. രക്ഷിതാക്കൾ കസ്നയുടെ സുഹൃത്തുക്കളുമായി സംസാരിച്ചെങ്കിലും അവർക്കും വിവരങ്ങളൊന്നുമില്ലായിരുന്നു.

കസ്നയെ എവിടെ നിന്നാണ് കണ്ടെത്തിയതെന്നോ മറ്റു വിവരങ്ങളോ പൊലീസ് വെളിപ്പെടുത്തിയിട്ടില്ല. നേരത്തെ എ.ബി.വി.പി പ്രവർത്തകരുമായ തർക്കമുണ്ടയ ഒന്നാം വർഷ എം.എസ്​സി ബയോടെക്​നോളജി വിദ്യാർഥി നജീബ്​ അഹമ്മദിനെ 2016 ഒക്ടോബർ 15 മുതൽ ജെഎന്‍യു കാമ്പസിൽ നിന്ന്​ കാണാതിയിരുന്നു. വിവാദമായ കേസ്​ ഇപ്പോൾ സിബിഐ അന്വേഷണത്തിലാണ്​.