ജെ.എന്.യുവില് മോദിയുടെയും അമിത് ഷായുടെയും ഗോഡ്സേയുടെയും കോലം കത്തിച്ച സംഭവത്തില് കേന്ദ്രം റിപ്പോര്ട്ട് തേടി
Synopsis
യോഗാ ഗുരു ബാബാ രാംദേവ്, സാധ്വി പ്രാചി, ആസാറാം ബാബ്ബു, വിസി എന്നിവരുടെയും കോലങ്ങള് കത്തിച്ചിരുന്നു. രാവണരൂപത്തിലുള്ള കോലങ്ങളാണ് ദസറാ ആഘോഷത്തിനിടെ എന്എസ്യു ഐ പ്രവര്ത്തകര് കാമ്പസില് കത്തിച്ചത്. അനുമതി ഇല്ലാതെയാണ് ഇതെന്ന് കാണിച്ചാണ് സര്വകലാശാല അന്വേഷണം ആരംഭിച്ചതെന്ന് വിസി പറഞ്ഞു.
എന്നാല്, കോലം കത്തിക്കല് കാമ്പസിലെ സാധാരണ പ്രതിഷേധ രൂപമാണെന്നും അതിനു അനുമതി വാങ്ങേണ്ട ആവശ്യം ഇതുവരെ ഉണ്ടായിട്ടില്ലെന്നും എന്എസ്യു ഐ പ്രവര്ത്തകര് അറിയിച്ചു. രാജ്യത്തെ വിവിധ അക്കാദമിക സ്ഥാപനങ്ങള്ക്കു നേരെ കേന്ദ്ര സര്ക്കാര് നടത്തുന്ന തുടര്ച്ചയായ ആക്രമണങ്ങളോടുള്ള പ്രതിഷേധമായാണ് കോലം കത്തിച്ചതെന്നും എന്എസ്യു ഐ അറിയിച്ചു.
ഗുജറാത്ത് സര്ക്കാറിന്റെയും ഗോ സംരക്ഷക സംഘങ്ങളുടെയും കോലം കാമ്പസില് കത്തിച്ചതിനെ തുടര്ന്ന് ബന്ധപ്പെട്ട വിദ്യാര്ത്ഥികള്ക്ക് സര്വകലാശാല കാരണം കാണിക്കല് നോട്ടീസ് അയച്ച് ഒരാഴ്ച കഴിയുമ്പോഴാണ് ഈ സംഭവം.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam