കാബൂളില് ഇരട്ട സ്ഫോടനം: മാധ്യമപ്രവര്ത്തകനടക്കം 29 മരണം
Synopsis
മോട്ടോർ സൈക്കിളിൽ ഘടിപ്പിച്ച ബോംബ് പൊട്ടിത്തെറിച്ചതെന്നാണ് സൂചന.
കാബൂള്: അഫ്ഘാന് തലസ്ഥാനമായ കാബൂളിലുണ്ടായ ഇരട്ട ചാവേര് സ്ഫോടനത്തില് മാധ്യമപ്രവര്ത്തനടകം 29 പേര് മരിച്ചു. നിരവധി പേര്ക്ക് പരിക്കേറ്റു. ഷാദരക് പ്രദേശത്തെ യു.എസ് ഇന്റലിജൻസ് ഓഫിസിനടുത്താണ് ആദ്യ സ്ഫോടനം നടന്നത്. മോട്ടോർ സൈക്കിളിൽ ഘടിപ്പിച്ച ബോംബ് പൊട്ടിത്തെറിച്ചതെന്നാണ് സൂചന.
രണ്ടാമത്തെ സ്ഫോടനത്തിലാണ് ഫ്രഞ്ച് വാര്ത്താ ഏജന്സിയായ എ.എഫ്.പി ഫോട്ടോഗ്രാഫര് ഷാ മറായി കൊല്ലപ്പെട്ടത്. ആദ്യ സ്ഫോടനത്തിന്റെ ഫോട്ടോ പകർത്തുന്നതിനിടെയാണ് ഷാ മറായി കൊല്ലപ്പെട്ടത്. ഇതില് നിരവധി പേർക്ക് പരിക്കേറ്റു.
രണ്ടാഴ്ച മുമ്പ് വോട്ടര് രജിസ്ട്രേഷന് ക്യാമ്പിന് നേരെയുണ്ടായ ആക്രമണത്തിലും സ്ഫോടനത്തിലും 60 പേര് കൊല്ലപ്പെട്ടിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam