ഓഖി ദുരിതാശ്വാസ നിധിയിലേക്ക് ജോയ് ആലുക്കാസ് ഗ്രൂപ്പ് രണ്ട് കോടി സംഭാവന നല്കി
Synopsis
തിരുവനന്തപുരം: സംസ്ഥാനത്തിന്റെ തെക്കുപടിഞ്ഞാറന് തീരമേഖലകളില് നാശംവിതച്ച ഓഖി ചുഴലിക്കാറ്റില് ദുരിതമനുഭവിക്കുന്നവര്ക്കായി ജോയ് ആലുക്കാസ് ഗ്രൂപ്പ് രണ്ട് കോടി രൂപ സംഭാവന നല്കി. മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരു കോടി രൂപയും തിരുവനന്തപുരം ആര്ച്ച് ബിഷപ്പിന്റെ ക്ഷേമനിധിയിലേക്ക് ഒരു കോടിയുമാണ് സംഭാവന നല്കിയത്. ജോയ് ആലുക്കാസ് ഗ്രൂപ്പ് ചെയര്മാന് ജോയ് ആലുക്കാസ് ഈ തുകകളുടെ ചെക്ക് കൈമാറി.
ജോയ് ആലുക്കാസ് ഗ്രൂപ്പിന്റെ ജീവകാരുണ്യ വിഭാഗമായ ജോയ് ആലുക്കാസ് ഫൗണ്ടേഷന് പ്രതിനിധികള് നേരത്തെ ദുരിത ബാധിതപ്രദേശങ്ങളില് സന്ദര്ശനം നടത്തിയിരുന്നു. ഇവര് തയ്യാറാക്കിയ റിപ്പോര്ട്ടിന്റെ അടിസ്ഥാനത്തിലാണ് ഇപ്പോള് രണ്ട് കോടി സംഭാവന നല്കിയത്. ഈ മേഖലയില് തുടര്ന്നും ആവശ്യമായ സഹായങ്ങള് ചെയ്യാനാണ് തീരുമാനം.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam