
ചെന്നൈ: രജനികാന്തിന്റെ രാഷ്ട്രീയ നിറം കാവിയാകരുതെന്ന് ആഗ്രഹിക്കുന്നതായി കമൽഹാസൻ. യുഎസിലെ ഹാർവാർഡ് സർവകലാശാലയിൽ നടന്ന സംവാദത്തിലാണ് കമൽഹാസൻ ഇക്കാര്യം പറഞ്ഞത്. തന്റെ രാഷ്ട്രീയ കാഴ്ചപ്പാട് ചുവപ്പല്ല. രജനികാന്തിന്റെ കാഴ്ചപ്പാട് കാവിയല്ലെന്നും കരുതുന്നു. ഇനി അങ്ങനെയാണെങ്കിൽ ഞങ്ങൾ തമ്മിലുള്ള രാഷ്ട്രീയ സഖ്യം ഒരിക്കലും സാധ്യമാകില്ലെന്നും കമൽഹാസൻ കൂട്ടിച്ചേർത്തു.
തമിഴ്നാടിനെ അഴിമതിയിൽനിന്നും രക്ഷിക്കുകയാണ് തന്റെ ലക്ഷ്യം. എന്റെ സിനിമകൾ എന്നും മറ്റു നടൻമാരിൽ നിന്നും വ്യത്യസ്ഥമായിരുന്നു. രാഷ്ട്രീയത്തിലും അങ്ങനെതന്നെയായിരിക്കണമെന്ന് നിർബന്ധമുണ്ടെന്നും കമൽഹാസൻ പറഞ്ഞു. ഫെബ്രുവരി 21നാണ് കമൽഹാസൻ രാമേശ്വരത്തുവച്ച് രാഷ്ട്രീയ നിലപാട് പ്രഖ്യാപിക്കുന്നത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam