കണ്ണൂര്‍ സംഘര്‍ഷം: വീണ്ടും ഉഭയകക്ഷി സമാധന ചർച്ച

കണ്ണൂര്‍: മട്ടന്നൂരിൽ അടക്കം തുടർച്ചയായുണ്ടായ സംഘർഷങ്ങളുടെ പശ്ചാത്തലത്തിൽ കണ്ണൂരിൽ ഇന്ന് കളക്ടറുടെ അധ്യക്ഷതയിൽ സമാധാന യോഗം.  സിപിഎം, - ബിജെപി നേതാക്കളെ വിളിച്ചു കൂട്ടിയാണ്  കളക്ടറുടെ നടപടി.   കളക്ടറുടെ ചേംബറിൽ 5 മണിക്കാണ് ചർച്ച നടക്കുക.  അതെ സമയം ചർച്ചയിൽ പങ്കെടുക്കുന്ന കാര്യത്തിൽ ബിജെപി അനുകൂല തീരുമാനം അറിയിച്ചിട്ടില്ല.   

സമാധാന കരാർ നിലനിൽക്കെ തുടരെ സംഘർഷങ്ങൾ ഉണ്ടാകുന്ന സാഹചര്യത്തിൽ ഇനി ചർച്ചകൾക്ക് പ്രസക്തി ഇല്ലെന്നാണ് ബിജെപി നിലപാട്.  കൂടിയാലോചനകൾക്ക് ശേഷമാകും ബിജെപി ഇക്കാര്യത്തിൽ അന്തിമ തീരുമാനം എടുക്കുക.   അതിനിടെ മാലൂരിൽ 5 ബിജെപി പ്രവർത്തകരെ വെട്ടിയ 6 സിപിഎം പ്രവർത്തകർ റിമാൻഡിലാണ്.