കോഴിക്കോട്: സ്ത്രീകള്‍ പൊതുരംഗത്തിറങ്ങിയാല്‍ നാശവും ആക്രമവുമുണ്ടാകുമെന്ന് കാന്തപുരം അബൂബക്കര്‍ മുസ്ല്യാര്‍. കോഴിക്കോട് ചെറുവാടിയില്‍ ഒരു ചടങ്ങില്‍ സംസാരിക്കവെയാണ് കാന്തപുരം സ്ത്രീകള്‍ പൊതുരംഗത്തിറങ്ങുന്നതിനെ വിമര്‍ശിച്ചത്.
സ്ത്രീകളെ പുരുഷന്‍മാരെപ്പോലെ രംഗത്തിറങ്ങാന്‍ ഇസ്ലാം അനുവദിച്ചിട്ടില്ല. അതിന് ഒരു പാട് കാരണങ്ങളുണ്ട്. അങ്ങനെ സംഭവിച്ചാല്‍ നാശവും ബുദ്ധിമുട്ടും അക്രമവും ഉണ്ടാവും'. അത് അനുഭവത്തിന്റെ വെളിച്ചത്തില്‍ അറിയാവുന്നവരാണ് പറയുന്നതെന്നും കാന്തപുരം അഭിപ്രായപ്പെട്ടു.