മന്ത്രിയാകാനില്ലെന്ന് കെ.ബി. ഗണേഷ് കുമാര്‍

കൊല്ലം: കേരള കോണ്‍ഗ്രസ് ബി എന്‍സിപി ലയന വാര്‍ത്തകളെ തള്ളി കെ.ബി. ഗണേഷ്കുമാര്‍ എംഎല്‍എ. മന്ത്രിയാകാനില്ലെന്നും എൻസിപിയുമായി ഒരുതരത്തിലുമുള്ള ചർച്ചയും നടത്തിയിട്ടില്ലെന്നും കെബി ഗണേഷ് കുമാർ വ്യക്തമാക്കി.

മന്ത്രിയാകാൻ തനിക്ക് താൽപര്യമില്ല. പുറത്തുവരുന്ന വാർത്തകൾ അടിസ്ഥാനരഹിതമാണ്. പാർട്ടി പിളർത്താൻ ഒരു നീക്കവും നടത്തിയിട്ടില്ല. ഇടതുമുന്നണിക്ക് താല്പര്യമുണ്ടെങ്കിൽ കേരള കോൺഗ്രസ് ബിയുടെ പ്രതിനിധി ആയിത്തന്നെ മന്ത്രിസഭയിൽ എത്തുമെന്നും ഗണേഷ് പറഞ്ഞു.