ക​​ർ​​ഷ​​ക​​ന്‍റെ ആത്മഹത്യ:  വില്ലേജ് അസിസ്റ്റന്‍റിനെതിരേ ആത്മഹത്യ പ്രേരണാക്കുറ്റം

കോഴിക്കോട്: ചെ​​മ്പ​​നോ​​ട വി​​ല്ലേ​​ജ് ഓ​​ഫീ​​സ് കെട്ടിടത്തിൽ ക​​ർ​​ഷ​​ക​​നാ​​യ ജോ​​യി തൂ​​ങ്ങി ​​മ​​രി​​ച്ച സം​​ഭ​​വ​​ത്തിൽ വില്ലേജ് അസിസ്റ്റന്‍റിനെതിരേ പോലീസ് കേസെടുത്തു. ചെമ്പനോട വില്ലേജ് അസിസ്റ്റന്‍റായിരുന്ന സിലീഷിനെതിരേയാണ് ആത്മഹത്യ പ്രേരണാക്കുറ്റം പോലീസ് ചുമത്തിയത്. പെരുവണ്ണാമുഴി പോലീസ് കേസിൽ റിപ്പോർട്ട് തയാറാക്കി പേരാന്പ്ര ഫസ്റ്റ് ക്ലാസ് ജുഡീഷൽ മജിസ്ട്രേറ്റ് കോടതിയിൽ റിപ്പോർട്ട് സമർപ്പിച്ചു. നേരത്തെ കർഷകൻ ജീവനൊടുക്കിയ സംഭവത്തിൽ സിലീഷിനെ അന്വേഷണ വിധേയമായി സസ്പെൻഡ് ചെയ്തിരുന്നു.

ഭാ​​ര്യ​​യു​​ടെ പേ​​രി​​ലു​​ള്ള ഭൂ​​മി​​യു​​ടെ നി​​കു​​തി സ്വീ​​ക​​രി​​ക്കാ​​ൻ അ​​പേ​​ക്ഷ ന​​ൽ​​കി​​യി​​ട്ടും ഭൂ​​നി​​കു​​തി സ്വീ​​ക​​രി​​ക്കാ​​ത്ത​​തി​​ൽ മ​​നം​​നൊ​​ന്താ​​ണ് ക​​ർ​​ഷ​​ക​​നാ​​യ ജോ​​യി ആ​​ത്മ​​ഹ​​ത്യ ചെ​​യ്ത​​ത്. സംഭവത്തിൽ പ്രാഥമിക അന്വേഷണം നടത്തിയ ജില്ലാ കളക്ടർ ഉദ്യോഗസ്ഥർക്ക് വീഴ്ച സംഭവിച്ചുവെന്ന് കണ്ടെത്തിയിരുന്നു. സംഭവത്തെക്കുറിച്ച് വിജലൻസ് ഡയറക്ടർ ലോക്നാഥ് ബെഹ്റയും അന്വേഷണത്തിന് ഉത്തരവിട്ടിരുന്നു. 

വി​​ല്ലേ​​ജ്- താ​​ലൂ​​ക്ക് ഉ​​ദ്യോ​​ഗ​​സ്ഥ​​ർ​​ക്ക് സംഭവത്തിൽ എ​​ന്തെ​​ങ്കി​​ലും വീ​​ഴ്ച​​യു​​ണ്ടാ​​യി​​ട്ടു​​ണ്ടോ​​യെ​​ന്ന് വി​​ശ​​ദ​​മാ​​യി അ​​ന്വേ​​ഷി​​ക്കാ​​നാ​​ണ് ഡ​​യ​​റ​​ക്ട​​റു​​ടെ നി​​ർ​​ദേ​​ശം. കോ​​ഴി​​ക്കോ​​ട് വി​​ജി​​ല​​ൻ​​സ് യൂ​​ണി​​റ്റി​​നാ​​ണ് അ​​ന്വേ​​ഷ​​ണ ചു​​മ​​ത​​ല നൽകിയിരിക്കുന്നത്.