കൊച്ചി മെട്രോ നഗരമധ്യത്തിലേക്ക്; രണ്ടാം ഘട്ടം ഇന്ന് മുഖ്യമന്ത്രി ഉദ്ഘാടനം ചെയ്യും
Synopsis
കൊച്ചി: കാത്തിരിപ്പിന് വിരാമമിട്ട് കൊച്ചി മെട്രോ നഗരമധ്യത്തിലേക്ക് എത്തുകയാണ്. രാവിലെ പത്തരയ്ക്ക് മുഖ്യമന്ത്രി പിണറായി വിജയനും കേന്ദ്രനഗരവികസന മന്ത്രി ഹര്ദീപ് സിങ് പുരിയും ചേര്ന്ന് കലൂര് ജവഹര്ലാല് നെഹ്റു സ്റ്റേഡിയം സ്റ്റേഷനില് മെട്രോയുടെ ദീര്ഘിപ്പിച്ച സര്വീസ് ഫ്ലാഗ് ഓഫ് ചെയ്യും. പിന്നീട് മഹാരാജാസ് വരെ മെട്രോയില് യാത്ര.
തുടര്ന്ന് ടൗണ് ഹാളില് നടക്കുന്ന ചടങ്ങില് മുഖ്യമന്ത്രി പിണറായി വിജയന് ദീര്ഘിപ്പിച്ച മെട്രോ സര്വീസ് ഔദ്യോഗികമായി ഉദ്ഘാടനം ചെയ്യും. കേന്ദ്രമന്ത്രി ഹര്ദീപ് സിംഗ് പുരി അധ്യക്ഷത വഹിക്കും. പ്രതിപക്ഷ നേതാവ് രമേശ് ചെന്നിത്തലയടക്കമുള്ള ജനപ്രതിനിധികളും പങ്കെടുക്കും. ഉദ്ഘാടന പ്രഖ്യാപനത്തിന്റെ അതേസമയം പുതിയ സര്വീസിന്റെ ടിക്കറ്റ് വിതരണവും തുടങ്ങും.
ആലുവ മുതല് മഹാരാജാസ് വരെ 50 രൂപയാണ് ടിക്കറ്റ് നിരക്ക്. മിനിമം ചാര്ജ് 10 രൂപയായി തുടരും. കൂടുതല് ഫീഡര് സര്വീസുകളും സ്ഥിരം യാത്രക്കാര്ക്കായി പ്രത്യേക ഫെയര്പാക്കേജുകളും കെഎംആര്എല് ഏര്പ്പെടുത്തും. കൊച്ചിയുടെ നഗരമധ്യത്തിലേക്ക് ആദ്യ ദിവസം മെട്രോ കയറി എത്തുന്നവര്ക്ക് കാരിക്കേച്ചര് സമ്മാനമായി ലഭിക്കും. ലിംക ബുക് ഓഫ് റെക്കോര്ഡ്സില് ഇടംപിടിച്ച കാരിക്കേച്ചറിസ്റ്റ് ബി.സജ്ജീവിന്റെ നേതൃത്വത്തില് 10 പേരാണ് കന്നിയാത്രക്ക് എത്തുന്നവരുടെ ചിത്രങ്ങള് വരയ്ക്കുക.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam