കലോൽസവം ഇന്ന് സമാപിക്കും; കിരീടപ്പോരാട്ടത്തിൽ കോഴിക്കോട് മുന്നിൽ

തൃശൂര്‍: 58 ആമത് സംസ്ഥാന സ്കൂൾ കലോത്സവം ഇന്നവസാനിക്കും . നാലിനങ്ങളിലാണ് ഇന്ന് മത്സരങ്ങൾ ഉള്ളത്. ഹൈസ്ക്കൂൾ ഹയർസെക്കണ്ടറി വിഭാഗം നാടോടി നൃത്തം, മിമിക്രി, മോണോ ആക്ട് തുടങ്ങിയവയാണ് ഇന്ന് അരങ്ങിലെത്തുന്ന മത്സരങ്ങൾ. കലോത്സവം അവസാന മണിക്കൂറിലേക്ക് അടുക്കുന്പോൾ കോഴിക്കോട് ജില്ലതന്നെയാണ് മുന്നിട്ട് നിൽക്കുന്നത്. 874 പോയിന്റോടെയാണ് കോഴിക്കോട് ഒന്നാം സ്ഥാനത്ത് നിൽക്കുന്നത്. 868 പോയിന്റുള്ള പാലക്കാട് രണ്ടാമതും 855 പോയിന്റുള്ള മലപ്പുറം മൂന്നാം സ്ഥാനത്തുമാണ്. ആതിഥേയരായ തൃശൂര്‍, കണ്ണൂര്‍ എന്നീ ജില്ലകള്‍ 846 പോയിന്റ് വീതം നേടി തൊട്ടുപിന്നിലുണ്ട്.