കെഎസ്ആര്‍ടിസി ബസില്‍ കണ്ടക്ടറായി തച്ചങ്കരി

കെഎസ്ആര്‍ടിസി ബസില്‍ കണ്ടക്ടറായി തച്ചങ്കരി ആനവണ്ടിയെ കരകയറ്റാന‍് തന്ത്രങ്ങള്‍ പലത് യാത്രക്കാര്‍ക്കും മറ്റും പുതിയ വേഷം കണ്ട കൗതുകവും

തിരുവനന്തപുരം: തൊഴിലാളി ദിനത്തില്‍ കെഎസ്ആര്‍ടിസി ബസ് കണ്ടക്ടറായി കെഎസ്ആര്‍ടിസി എംഡി ടോമിന്‍ ജെ. തച്ചങ്കരിയുടെ യാത്ര. തൊഴിലാളികളുടെയും യാത്രക്കാരുടെയും പ്രശ്നങ്ങള്‍ അനുഭവിച്ച് അറിഞ്ഞ് പരിഹാരം കാണാനാണ് പുതിയ വേഷമണിഞ്ഞതെന്ന് തച്ചങ്കരി പറഞ്ഞു. 

‍ഡബിള്‍ ബെല്ലടിച്ച് ആനവണ്ടിയെ ലാഭത്തിലേക്കോടിച്ച് കയറ്റാമെന്നാണ് എംഡിയുടെ പ്രതീക്ഷ. തബല വായിച്ച് ചുമതലയേറ്റപ്പോള്‍ പ്രഖ്യാപിച്ച പോലെ തന്ത്രങ്ങള്‍ ഓരോന്നായി പയറ്റി തുടങ്ങുകയാണ് തച്ചങ്കരി. തമ്പാനൂരില്‍ നിന്നായിരുന്നു ആദ്യ യാത്ര. വരുമാന കൂട്ടാനും കെഎസ്ആര്‍ടിസിയെ ജനകീയമാക്കാനും ഇനിയും ഒരുപാട് അടവുകളുണ്ടെന്ന്  തച്ചങ്കരി പ്രതികരിച്ചു.