മേയറെ ആക്രമിച്ചുവെന്നത് പച്ചനുണ; വധശ്രമത്തിന് കേസെടുക്കാന് ഒന്നുമുണ്ടായിട്ടില്ല: കുമ്മനം
Synopsis
തിരുവനന്തപുരം: ബിജെപി കൗണ്സിലര്മാരെ അറസ്റ്റ് ചെയ്യാനുളള നീക്കം കപടനാടകത്തിന്റ ബാക്കിയെന്ന് ബി ജെ പി സംസ്ഥാന അധ്യക്ഷന് കുമ്മനം രാജശേഖരന്.കോര്പറേഷന് കൗണ്സിലിനിടെ മേയര് വി കെ പ്രശാന്തിന് പരിക്കേറ്റ സംഭവത്തില് പ്രതികരിക്കുകയായിരുന്നു കുമ്മനം. മേയറെ ആക്രമിച്ചുവെന്നത് പച്ചനുണയാണ്.
വധശ്രമത്തിന് കേസെടുക്കാന് ഒന്നുമുണ്ടായിട്ടില്ല. ബി ജെ പി കൗണ്സിലര്മാരെയും പ്രവര്ത്തകരെയും കേസില് കുടുക്കി ജയിലഴിക്കുള്ളിലാക്കാനാണ് ശ്രമമെങ്കില് പ്രത്യാഘാതം ഗുരുതരമായിരിക്കും. ഇവര്ക്കെതിരെയുളള അറസ്റ്റ് തടയുമെന്നും കുമ്മനം പറഞ്ഞു.
പ്രതിച്ഛായ നഷ്ടമായ സി പി എം അത് വീണ്ടെടുക്കാന് സൃഷ്ടിച്ച തിരക്കഥയാണ് കോര്പറേഷന് കൗണ്സില് യോഗത്തിലെ അക്രമമെന്നും കുമ്മനം പ്രതികരിച്ചു. തിരുവനന്തപുരത്ത് മാധ്യമപ്രവര്ത്തകരോട് സംസാരിക്കുകയായിരിന്നു അദ്ദേഹം.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam