കുവൈത്തില്‍ സുരക്ഷാ കാരണങ്ങള്‍ മുന്‍നിര്‍ത്തി ഈദുല്‍ ഫിത്വറിന്റെ പ്രാര്‍ഥനകള്‍ തുറസ്സായ സ്ഥലങ്ങളില്‍ നടത്തുന്നത് നിരോധിച്ചതായി ഇസ്ലാമിക് അഫയേഴ്‌സ് മന്ത്രി യാക്കൂബ് അല്‍ സാനെ അറിയിച്ചു. വിശ്വാസികളുടെ സുരക്ഷിതത്വം ഉറപ്പാക്കാനുള്ള ആഭ്യന്തര മന്ത്രാലയത്തിന്റെയും വിവിധ മന്ത്രാലയങ്ങളുടെയും നിർദ്ദേശമനുസരിച്ചാണ് തീരുമാനം. മന്ത്രാലയത്തിന്റെ കീഴിലുള്ള മതപരമായ കേന്ദ്രങ്ങളിൽ പരിശോധന നടത്തുന്നതിനിടെയാണ് അദ്ദേഹം തീരുമാനം അറിയിച്ചത്. ഈദ് പ്രാര്‍ഥനകള്‍ പള്ളികളില്‍ നടത്തും.