കുട്ടികളെ ബലാത്സംഗത്തിന് ഇരയാക്കുന്നവര്ക്ക് വധശിക്ഷ; ബില് മധ്യപ്രദേശ് സര്ക്കാര് പാസാക്കി
Synopsis
മധ്യപ്രദേശ്: പെണ്കുട്ടികളെ ബലാത്സംഗത്തിനിരയാക്കുന്ന കേസിലെ പ്രതികള്ക്ക് വധശിക്ഷ നടപ്പാക്കുന്ന ബില് മധ്യപ്രദേശ് നിയമസഭ പാസാക്കി. മുഖ്യമന്ത്രി ശിവരാജ് ചൗഹാന് നിയമസഭയില് ബില് കഴിഞ്ഞ ആഴ്ച ചര്ച്ചക്കെടുത്തിരുന്നു. സ്ത്രീകളെ അപമാനിക്കല്, തുറിച്ചു നോട്ടം തുടങ്ങി സ്ത്രീകള്ക്കും കുട്ടികള്ക്കുമെതിരായ അതിക്രമങ്ങള്ക്ക് നല്കുന്ന ശിക്ഷ കടുപ്പമുള്ളതാക്കാനും ബില്ലില് നിര്ദ്ദേശം നല്കിയിട്ടുണ്ട്.
ഇത്തരം കേസുകളില് ശിക്ഷക്കു പുറമെ ഒരു ലക്ഷം രൂപ പിഴയായി നല്കണമെന്നും ബില്ലില് പറയുന്നു. വിവാഹ വാഗ്ദാനം നല്കി പീഡിപ്പിക്കുന്നതും ക്രിമിനല് കുറ്റമായി പരിഗണിക്കും. സംസ്ഥാനത്ത് ബലാത്സംഗ കേസുകള് ദിനംപ്രതി പെരുകികൊണ്ടിരിക്കുന്ന സാഹചര്യത്തിലാണ് സ്ത്രീകള്ക്കെതിരായ അതിക്രമം തടയുന്നതിന് പുതിയ നിയമം രൂപീകരിക്കാന് സര്ക്കാര് രംഗത്തെത്തിയത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam