പ്രായപൂര്ത്തിയാകാത്ത നാല് പെണ്കുട്ടികളെ പീഡിപ്പിച്ചു; മദ്രസാ അധ്യാപകന് അറസ്റ്റില്
Synopsis
മതപഠനത്തിനെത്തിയ പ്രായപൂര്ത്തിയാകാത്ത നാല് വിദ്യാർത്ഥിനികളെ പീഡിപ്പിച്ച കേസിൽ മദ്രസാ അധ്യാപകന് അറസ്റ്റില്. മാണിയൂർ ചെക്കിക്കുളം ’സാജിദാ’സിൽ പി.പി.ഹർഷാദിനെ(33)യാണ് പൊലീസ് അറസ്റ്റ് ചെയ്തത്.
കണ്ണൂര്: മതപഠനത്തിനെത്തിയ പ്രായപൂര്ത്തിയാകാത്ത വിദ്യാർത്ഥിനികളെ പീഡിപ്പിച്ച കേസിൽ മദ്രസാ അധ്യാപകന് അറസ്റ്റില്. മാണിയൂർ ചെക്കിക്കുളം ’സാജിദാ’സിൽ പി.പി.ഹർഷാദിനെ(33)യാണ് പൊലീസ് അറസ്റ്റ് ചെയ്തത്. പതിമ്മൂന്ന് വയസ്സ് പ്രായമുള്ള നാലു വിദ്യാർത്ഥിനികളാണ് പീഡനത്തിനിരയായത്.
ഇയാളുടെ പേരിൽ പൊലീസ് നാല് കേസുകളെടുത്തു. ഒറ്റയ്ക്ക് മദ്രസയിൽ നേരത്തേയെത്തുന്ന വിദ്യാർത്ഥിനികളുടെ ശരീരത്തിൽ സ്പര്ശിച്ച് അപമാനിച്ചുവെന്നാണ് ഇയാള്ക്കെതിരെയുള്ള കേസ്. വിദ്യാർഥിനികളിൽ നിന്ന് ചൈൽഡ് ലൈൻ അധികൃതർക്ക് ലഭിച്ച പരാതിയെത്തുടർന്നാണ് സംഭവം പുറത്തറിഞ്ഞത്.
സ്കൂളിൽ വെച്ചുള്ള സംഭാഷണത്തിൽ പെൺകുട്ടികൾ ഇക്കാര്യം സഹപാഠികളോട് പങ്കുവെക്കുകയായിരുന്നു. ചൈൽഡ് ലൈൻ അധികൃതരുടെ പരാതിയിലാണ് ഇയാള്ക്കെതിരെ കേസെടുത്തത്. വിദ്യാർത്ഥിനികളിൽ നിന്നു പൊലീസ് ബുധനാഴ്ച മൊഴിയെടുത്തിരുന്നു. തുടർന്ന് വ്യാഴാഴ്ച രാവിലെ പ്രതിയെ അറസ്റ്റുചെയ്തു.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam