ഒറ്റപ്പാലത്ത് മേജർ രവി എന്‍ഡിഎ സ്ഥാനാർത്ഥി ആയേക്കും, സിനിമാരംഗത്തെ താരമൂല്യം നേട്ടമാകുമെന്ന് നേതാക്കളുടെ വിലയിരുത്തൽ

മണ്ഡലത്തിലെ വിവിധ കേന്ദ്രങ്ങൾ സിനിമാതാരം കൂടിയായ മേജർ രവി സന്ദർശിച്ചു

പാലക്കാട്:  നിയമസഭാ തിരഞ്ഞെടുപ്പിൽ ഒറ്റപ്പാലത്ത് NDA സ്ഥാനാർത്ഥിയായി മേജർ രവി എത്തിയേക്കും. .മണ്ഡലത്തിലെ വിവിധ കേന്ദ്രങ്ങൾ സിനിമാതാരം കൂടിയായ മേജർ രവി സന്ദർശിച്ചു.മേജർ രവിയുടെ സിനിമാരംഗത്തെ താരമൂല്യം നേട്ടമാകുമെന്ന് NDA നേതാക്കളുടെ വിലയിരുത്തൽ.കഴിഞ്ഞ രണ്ടു നിയമസഭാ തിരഞ്ഞെടുപ്പുകളിലും കാൽ ലക്ഷത്തിലേറെ വോട്ട് നേടാനായതിന്റെ ആത്മവിശ്വാസത്തിലാണ് ഒറ്റപ്പാലത്ത് NDA.

.വട്ടിയൂർകാവിൽ മുൻ ഡിജിപി ആർ ശ്രീലേഖ ബിജെപി സ്ഥാനാ‍ർത്ഥിയാകും. ഇന്ന്  രാവിലെ പത്തരക്ക് ശ്രീലേഖ മണ്ഡലത്തിൽ ചുവരെഴുത്ത് തുടങ്ങുമെന്ന് പാർട്ടി അറിയിച്ചു. ശ്രീലേഖയോട് മണ്ഡലത്തിൽ സജീവമാകാൻ ബിജെപി നിർദ്ദേശിച്ചു. തദ്ദേശ തെരഞ്ഞെടുപ്പിൽ ശാസ്തമംഗലം വാർഡിൽ നിന്ന് ജയിച്ച ശ്രീലേഖക്ക് മേയറാകാത്തതിൽ പരിഭവമുണ്ട്. സമവായത്തിൻറെ ഭാഗമായി വട്ടിയൂർകാവിൽ സീറ്റ് നൽകാമെന്ന് പാർട്ടി ഉറപ്പ് നൽകിയിരുന്നു. സിറ്റിംഗ് എംഎൽഎ വികെ പ്രശാന്ത് ഇടത് സ്ഥാനാർത്ഥിയാകുമെന്നുറപ്പാണ്. മണ്ഡലം തിരിച്ചുപിടിക്കാൻ കോൺഗ്രസ് കെ മുരളീധരനെ ഇറക്കുന്നതോടെ വട്ടിയൂർകാവിൽ ശക്തമായ ത്രികോണപ്പോര് ഉറപ്പായി