'പെര്ഫെക്ട് സെല്ഫി'യ്ക്കായി കാത്തിരുന്ന യുവാവ് ഗുരുതര പരിക്കുകളോടെ ആശുപത്രിയില്
Synopsis
ഹൈദരാബാദ്: റെയില് പാളത്തില് പെര്ഫെക്ട് സെല്ഫിയ്ക്കായി കാത്തുനിന്ന യുവാവ് ആശുപത്രിയില്. ട്രയിന് പാഞ്ഞെത്തുന്നതിന് സെക്കന്റുകള്ക്ക് മുമ്പ് സെല്ഫി എടുക്കാന് കാത്തുനിന്ന ശിവ ട്രെയിന് തട്ടി ഗുരുതര പരിക്കുകളോടെ ആശുപത്രിയില് ചികിത്സയിലാണ്.
ജനുവരി 22 നാണ് ശിവയെ ഹൈദരാബില് വച്ച് ട്രെയിന് തട്ടിയത്. തന്റെ സ്മാര്ട്ട് ഫോണില് നോക്കി ചിരിച്ച് വലത് കൈകൊണ്ട് ട്രയിനിന് നേരെ ചൂണ്ടി സെല്ഫി എടുക്കാന് ശ്രമിക്കുകയായിരുന്നു. പിറകില് ട്രെയിന് പാഞ്ഞുവരുന്നത് ആളുകള് മുന്നറിയിപ്പ് നല്കിയിട്ടും ഇയാള് ശ്രദ്ധിച്ചില്ല. നിമിഷ നേരംകൊണ്ട് ട്രെയിന് ശിവയെ ഇടിയ്ക്കുകയായിരുന്നു. ട്രെയിനിടിയ്ക്കുന്ന സിസിടിവി ദൃശ്യങ്ങളില് ഇത് വ്യക്തമാണ്.
സെല്ഫി എടുക്കുന്നതിനിടെ നിരവധി പേരാണ് കുറച്ച് മാസങ്ങള്ക്കിടെ ഇന്ത്യയില് മരിച്ചത്. സെല്ഫി എടുക്കുന്നതിനിടെ അറബിക്കടലില് മൂന്ന് പെണ്കുട്ടികള് മുങ്ങിപ്പോയതിന് ശേഷം മുംബൈയിലെ നിരവധി സ്ഥലങ്ങളെ അധികൃതര് സെല്ഫി നിരോധിത മേഖലയായി പ്രഖ്യാപിച്ചിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam