സുഹൃത്തുമൊത്തുള്ള അവിഹിതം വീഡിയോയിൽ; ഭർത്താവ് കുട്ടികളുടെ മുന്നിൽവെച്ച് ഭാര്യയെ വെടിവെച്ചു

അമ്മയെ കൊല്ലരുതെന്ന് മക്കൾ കേണ് പറഞ്ഞെങ്കിലും അത് ചെവിക്കൊള്ളാൻ വില്യം തയ്യാറാകാതെ തുടരെത്തുടരെ വെടിവെക്കുകയായിരുന്നു.

ഫ്ലോറി‍ഡ: സുഹൃത്തുമൊത്തുള്ള അവിഹിതബന്ധം കണ്ടെത്തിയതിനെ തുടർന്ന് മക്കളുടെ മുന്നിൽവെച്ച് ഭർത്താവ് ഭാര്യയെയും അവരുടെ മാതാപിതാക്കളെയും വെടിവെച്ചു. അമേരിക്കയിലെ ഫ്ലോറിഡയിലാണ് സംഭവം നടന്നത്. ഗുരുതരമായി പരിക്കേറ്റ മൂന്നുപേരും ആശുപത്രിയിൽ ചികിത്സയിലാണ്. സംഭവത്തിൽ വില്യം ബ്രയൻ സ്റ്റിൽവെൽ എന്നയാളെ പൊലീസ് അറസ്റ്റ് ചെയ്തു.

വില്യമിന്‍റെ അടുത്ത സുഹൃത്തും ഭാര്യയുമൊത്തുള്ള ലൈംഗിക ബന്ധത്തിന്‍റെ വീഡിയോ കണ്ടെത്തിയതിനെ തുടർന്നാണ് സംഭവം. വീഡിയോ കണ്ടെത്തിയതോടെ വില്യമും ഭാര്യയും വേർപിരിഞ്ഞു.ഭാര്യ മക്കളെയും കൂട്ടി അവരുടെ വീട്ടിലേക്ക് പോയി. രാത്രിയോടെ മദ്യപിച്ച് എത്തിയ വില്യം, ഭാര്യയെയും മാതാപിതാക്കളെയും വെടിവെക്കുകയായിരുന്നു.

മക്കളുടെ മുന്നിൽവെച്ച് ഭാര്യയെയും മാതാപിതാക്കളെയും വില്യം വെടിവെച്ചു. അമ്മയെ കൊല്ലരുതെന്ന് മക്കൾ കേണ് പറഞ്ഞെങ്കിലും അത് ചെവിക്കൊള്ളാൻ വില്യം തയ്യാറാകാതെ തുടരെത്തുടരെ വെടിവെക്കുകയായിരുന്നു. ജീവൻ വേണമെങ്കിൽ ഇവിടെനിന്ന് ഓടി പോകാന്‍  മക്കളോട് ആക്രോശിച്ചുകൊണ്ടാണ് വില്യം ഭാര്യയെ വെടിവെച്ചത്. ഇയാൾ മദ്യലഹരിയിലായിരുന്നുവെന്ന് പൊലീസ് പറയുന്നു.