മരട് അപകടം: ഡ്രൈവര്‍ അറസ്റ്റില്‍

കൊച്ചി: മരടിൽ സ്കൂൾ വാൻ അപകടത്തിൽ പെട്ട സംഭവത്തിൽ ഡ്രൈവർ അറസ്റ്റിൽ. മരട് ജയന്തിറോഡ് മനിക്കിരി വീട്ടിൽ അനിൽകുമാർ ആണു ട്രാഫിക് പൊലീസിന്‍റെ പിടിയിലായത്. എറണാകുളം മജിസ്ട്രേറ്റ് കോടതിയിൽ ഹാജരാക്കിയ ബാബുവിന് കോടതി ഉപാധികളോടെ ജാമ്യം അനുവദിച്ചു‌.

മന:പൂർവമല്ലാത്ത നരഹത്യയാണ് ഇയാൾക്കെതിരെ ചുമത്തിയിരിക്കുന്ന കുറ്റം. ജൂൺ 11നു വൈകിട്ട് മരട് കാട്ടിത്തറ റോഡിലൂടെ പോകുമ്പോഴാണ് സ്കൂൾ വാൻ കുളത്തിലേക്ക് മറിഞ്ഞ് ആയയും മൂന്നു കുട്ടികളും മരിച്ചത്.