ദേശീയ മെഡിക്കല് കമ്മീഷന് ബില്; സംസ്ഥാനത്ത് ഇന്ന് മെഡിക്കല് ബന്ദ്
Synopsis
തിരുവനന്തപുരം: ദേശീയ മെഡിക്കല് കമ്മീഷന് ബില്ലിനെതിരെ സംസ്ഥാനത്ത് ഇന്ന് മെഡിക്കല് ബന്ദ്. സര്ക്കാര് ആശുപത്രികളിലും സ്വകാര്യ ആശുപത്രികളിലും ഒപികള് പ്രവര്ത്തിക്കില്ല. അത്യാഹിത വിഭാഗം, കിടത്തി ചികിത്സാ വിഭാഗം എന്നിവയെ സമരത്തില് നിന്ന് ഒഴിവാക്കിയിട്ടുണ്ട്. ഇന്ത്യന് മെഡിക്കല് അസോസിയേഷനാണ്(ഐ.എം.എ) സമരത്തിന് ആഹ്വാനം ചെയ്തിരിക്കുന്നത്.
ഹോമിയോ, ആയുര്വേദം, യുനാനി തുടങ്ങി ഇതര ചികില്സ പഠിച്ചവര്ക്ക് ബ്രിഡ്ജ് കോഴ്സിലൂടെ അലോപതിയിലും ചികില്സ ചെയ്യാന് അനുമതി നല്കിയതും എംബിബിഎസ് പാസാകുന്നവര്ക്ക് നെക്സ്റ്റ് പരീക്ഷ എഴുതിയാല് മാത്രമേ പ്രാക്ടിസ് ചെയ്യാനാകൂവെന്ന നിബന്ധനയും പിന്വലിക്കണമെന്നാണാവശ്യം. പ്രതിഷേധത്തിന്റെ ഭാഗമായി മെഡിക്കല് വിദ്യാര്ഥികള് ഇന്ന് പഠിപ്പു മുടക്കുന്നുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam