മെഗാലോണിബിയ ഫുസ്ക കേവലമൊരു മീനല്ല; വില ഒരു കോടി 10 ലക്ഷം
Synopsis
സ്വര്ണ മത്സ്യമെന്നൊക്കെ കേട്ടിട്ടില്ലേ? അതിനു പരമാവധി എന്തു വിലകിട്ടും? ആലോചിച്ച് തല പുകയ്ക്കേണ്ട. എന്തായാലും ചൈനയില് ഒരു മീനിന് ഇട്ടിരിക്കുന്ന ഈ വില കേട്ടാല് ഏതു സ്വര്ണ മത്സ്യവും കോടീശ്വരനും വരെ ഒന്നു ഞെട്ടും. ഒരു മീനിനും സ്വപ്നത്തില്പ്പോലും പ്രതീക്ഷിക്കാന് കഴിയില്ല ഈ വില. ഒരു കോടി പത്തുലക്ഷം രൂപയാണ് ഈ മീനിന്റെ വില. ഇത് ഇനിയും കൂടിയേക്കുമെന്നും ഉടമസ്ഥര് പറയുമ്പോള് തലയ്ക്ക് ഓളമാണെന്ന് ചിന്തിക്കേണ്ട.
ഈ മത്സ്യത്തിന്റെ പ്രത്യേകതയെന്തെന്ന് അറിയേണ്ടേ? അപൂര്വ്വങ്ങളില് അപൂര്വ്വമായ മെഗാലോണിബിയ ഫുസ്കയെന്ന മീനിനാണിത്. കഴിഞ്ഞ ദിവസമാണ് ചൈനയിലെ മീന്പിടുത്തക്കാര്ക്ക് ഇതിനെ കിട്ടിയത്. കിഴക്കന് ചൈനയിലെ മുക്കുവര്ക്കാണ് ഇതിനെ ലഭിച്ചിരിക്കുന്നത്. ഷിയാംഗ് പ്രവിശ്യയിലെ ഷുഹ്സാന് തീരക്കടലിലെ പാറക്കൂട്ടങ്ങള്ക്കിടയില്വച്ചാണ് മീനിനെ പിടികൂടിയത്. 1.56 മീറ്റര് നീളവും 48 കിലോഗ്രാം ഭാരവുമുണ്ടിതിന്.
മീന്പിടുത്തക്കാര്ക്ക് അത്രയെളുപ്പം പിടികൊടുക്കാറില്ല മെഗാലോണിബിയ ഫുസ്ക. അതു കൊണ്ടാണ് പൊന്നിനെ തോല്പ്പിക്കുന്ന ഈ വിലയും. നിരവധിപേര് മീന് വാങ്ങാനും കാണാനുമായി എത്തുന്നുണ്ട്. അതുകൊണ്ട് തന്നെ തിടുക്കപ്പെട്ട് വില്പന വേണ്ടെന്നാണ് തീരുമാനം.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam