വിദ്യാര്ത്ഥിനിയെ രണ്ടുവര്ഷം തുടര്ച്ചയായി ലൈംഗികമായി പീഡിപ്പിച്ച കേസില് മധ്യവയസ്കന് അറസ്റ്റില്
Synopsis
കണ്ണൂര്: ചെറുപുഴയില് പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസില് മധ്യവയസ്കന് അറസ്റ്റില്.പെരിങ്ങോം സ്വദേശി മനോജിനെയാണ് പയ്യന്നൂര് സി ഐയുടെ നേതൃത്വത്തിലുളള സംഘം പിടികൂടിയത്.
ചെറുപുഴയിലെ പതിനൊന്നുകാരിയാണ് പീഡനത്തിന് ഇരയായത്.പ്രതി മനോജ് രണ്ട് വര്ഷമായി കുട്ടിയെ ലൈംഗികമായി പീഡിപ്പിക്കുകയായിരുന്നവെന്നാണ് കുട്ടിയുടെ പരാതി.
വീട്ടില് ആളില്ലാത്ത സമയങ്ങളിലായിരുന്നു ചൂഷണമെന്ന് പെണ്കുട്ടിയുടെ മൊഴിയില് പറയുന്നു. പുറത്ത് പറഞ്ഞാല് കൊല്ലുമെന്ന് ഭീഷണിപ്പെടുത്തി പീഡനം തുടര്ന്നു. കഴിഞ്ഞ ദിവസം സ്കൂളിലെ ബോധവത്കരണക്ലാസില് വച്ച് കുട്ടി അധ്യാപികയോട് വിവരം പറഞ്ഞു.അധ്യാപികയാണ് പൊലീസിനെ അറിയിച്ചത്.
ഒന്പത് വയസ്സുളളപ്പോള് മുതല് പീഡനം തുടങ്ങിയതാണെന്നും ഭീഷണിപ്പെടുത്തിയെന്നും പെണ്കുട്ടി മൊഴി നല്കി.തുടര്ന്ന് ചൊവ്വാഴ്ച രാവിലെ പയ്യന്നൂര് സി ഐ വി രമേശന്റെ നേതൃത്വത്തിലളള സംഘ മനോജിനെ അറസ്റ്റുചെയ്യുകയായിരുന്നു.തലശ്ശേരി കോടതിയില് ഹാജരാക്കിയ പ്രതിയെ പൊലീസ് കസ്റ്റഡിയില് വിട്ടു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam