ഒന്‍പതുവയസുകാരിയെ പീഡിപ്പിച്ച യുവാവിന് 20 വർഷം കഠിനതടവ്

മുംബൈ: ഒൻപതുവയസ്സുകാരിയെ പീഡിപ്പിച്ച കേസിൽ ഇരുപത്തിയൊന്നുകാരനെ താനെ സെഷൻസ് കോടതി 20 വർഷം കഠിനതടവിനു ശിക്ഷിച്ചു. പ്രതിയായ രാഹുൽ ഗോണ്ടാലി 51,000 രൂപ പിഴയും അടയ്ക്കണം. പെൺകുട്ടിക്ക് മതിയായ നഷ്ടപരിഹാരത്തുക നൽകണമെന്ന് ജഡ്ജി പി.ആർ.കദം സംസ്ഥാന സർക്കാരിനു നിർദേശം നൽകി.

2015 ഏപ്രിൽ 12ന് ആണു കേസിനാസ്പദമായ സംഭവം നടന്നത്. രാഹുലും പ്രായപൂർത്തിയാകാത്ത ആൺകുട്ടിയും ചേർന്നു പീഡിപ്പിച്ചെന്നാണു കേസ്. ആണ്‍കുട്ടിയുടെ വിചാരണ ജുവൈനൽ ജസ്റ്റിസ് ബോർഡ് മുന്‍പാകെ തുടരുകയാണ്.