ആസിയാന്‍ രാജ്യങ്ങള്‍ സന്ദര്‍ശിക്കാന്‍ മോദി യാത്ര തിരിച്ചു

ദില്ലി: ആസിയാൻ രാജ്യങ്ങളിലെ സന്ദർശനത്തിനായി പ്രധാനമന്ത്രി നരേന്ദ്രമോദി യാത്ര തിരിച്ചു. ഇന്ത്യോനേഷ്യയും സിംഗപ്പൂരും മലേഷ്യയും മോദി സന്ദര്‍ശിക്കും. ആസിയാന്‍ രാജ്യങ്ങളുമായുള്ള വാണിജ്യ പ്രതിരോധ സഹകരണം ശക്തിപ്പെടുത്തുകയാണ് സന്ദര്‍ശന ലക്ഷ്യം. 

ഇന്ന് ഇന്തോനേഷ്യയില്‍ എത്തുന്ന മോദി നാളെ ജക്കാര്‍ത്തയില്‍ പ്രസിഡന്‍റ് ജോക്കോ വിഡോഡോയുമായി ചര്‍ച്ച നടത്തും. സാമ്പത്തിക സഹകരണം മെച്ചപ്പെടുത്തുന്നതിനുള്ള കരാറുകളില്‍ ഇരു നേതാക്കളും ഒപ്പ് വയ്ക്കും. 

ഇന്തോനേഷ്യയിലെ ഇന്ത്യന്‍ സമൂഹവുമായും പ്രധാനമന്ത്രി കൂടിക്കാഴ്ച്ച നടത്തും. വ്യാഴാഴ്ച്ച സിംഗപ്പൂരില്‍ എത്തുന്ന നരേന്ദ്രമോദി ഇരുപതിലധികം കമ്പനി മേധാവികളുമായി കൂടിക്കാഴ്ച്ച നടത്തും.പ്രസിഡന്‍റ് ഹലിമാ യാക്കൂബുമായി മോദി ചര്‍ച്ച നടത്തും.