നടിയെ ആക്രമിച്ച സംഭവം: വൈകിട്ട് പോലീസ് ഉന്നതതല യോഗം
Synopsis
കൊച്ചി: നടിയെ ആക്രമിച്ച സംഭവത്തിലെ അന്വേഷണ പുരോഗതി ചര്ച്ച ചെയ്യാനും തുടര്നടപടികളെക്കുറിച്ച് ആലോചിക്കാനും പോലീസ് ഉന്നതലയോഗം ചേരും. ഐജി ദിനേന്ദ്ര കശ്യപിന്റെ നേതൃത്വത്തില് വൈകിട്ട് ആലുവ പോലീസ് ക്ലബിലാണ് യോഗം ചേരുന്നത്. യോഗത്തില് ഇതുവരെയുള്ള അന്വേഷണ പുരോഗതി ചര്ച്ച ചെയ്യും.
അന്വേഷണത്തില് ഇതുവരെ ലഭിച്ച തെളിവുകള് കണക്കിലെടുത്ത് അറസ്റ്റ് അടക്കമുള്ള നടപടികള് യോഗത്തില് ചര്ച്ചയാവും. കഴിഞ്ഞ ദിവസം കാവ്യാമാധവന്റെ വസ്ത്രവ്യാപാര സ്ഥാപനമായ ലക്ഷ്യയില് നടത്തിയ പരിശോധനയില് ലഭിച്ച ദൃശ്യങ്ങളും ഇന്ന് കാക്കനാട് ജയിലിലെ പരിശോധനയില് ലഭിച്ച വിവരങ്ങളും യോഗത്തില് വിലയിരുത്തിയ ശേഷമായിരിക്കും തുടര് നടപടികള്.
കേസില് ആരോപണ വിധേയരായ നടന് ദിലീപും സംവിധായകന് നാദിര്ഷയും മുന്കൂര് ജാമ്യമടക്കം നിയമനടപടികള് ആലോചിക്കുന്ന സ്വാഹചര്യത്തില് തുടര്നടപടികള് വേഗത്തിലാക്കാനാണ് പോലീസിന്റെ തീരുമാനം.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam