തിയേറ്റർ പീഡനം: മൊയ്തീൻകുട്ടിക്കെതിരെ കൂടുതല്‍ വകുപ്പുകള്‍ ചുമത്തും

തിയേറ്റർപീഡിപ്പിച്ച കേസിൽ മുഖ്യപ്രതിക്കെതിരെ കൂടുതല്‍ വകുപ്പുകള്‍ ചുമത്തും മൊയ്തീൻകുട്ടിക്കെതിരെ പോക്സോയിലെ 5 എം വകുപ്പ് അടക്കമുള്ളവ ചുമത്തും മൊയ്തീനെതിരെ നേരത്തെ ചുമത്തിയിരുന്നത് ദുര്‍ബലവകുപ്പുകളായിരുന്നു

മലപ്പുറം: എടപ്പാളിലെ തിയേറ്ററിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ മുഖ്യപ്രതിക്കെതിരെ പോക്സോയിലെ 5 എം വകുപ്പ് അടക്കം കൂടുതല്‍ വകുപ്പുകള്‍ ചുമത്തും. പാലക്കാട് തൃത്താല സ്വദേശിയായ മൊയ്തീനെതിരെ നേരത്തെ ചുമത്തിയിരുന്നത് ദുര്‍ബലവകുപ്പുകളായിരുന്നു. 

മൊയ്തീന്‍ കുട്ടിക്കെതിരെ പോക്‌സോ വകുപ്പ് 5(l ), 5(എം),  6, 9 (എം), 10, എന്നിവയും ഐപിസി 354 , 375(ബി), 376 [ 2(ഐ)] വകുപ്പുകളും ചുമത്തും. അമ്മക്കെതിരെ പോക്‌സോ നിയമത്തില്‍ സെക്ഷന്‍ 16, 17 എന്നീ വകുപ്പുകളും ചുമത്തും.  കേസെടുക്കുന്നതില്‍ വീഴ്ച വരുത്തിയ ചങ്ങരംകുളം മുന്‍ എസ്. ഐക്കെതിരെ   പോക്‌സോ 19,  21 (ഐ) എന്നീ വകുപ്പുകളും ഐപിസി 166 (എ) വകുപ്പും പ്രകാരം കേസെടുക്കും.