മുരുകന്‍റെ മരണം: അന്വേഷണ റിപ്പോര്‍ട്ട് ഒളിച്ചുവച്ച് സര്‍ക്കാര്‍

തിരുവനന്തപുരം: ചികിൽസ കിട്ടാതെ തമിഴ്നാട് സ്വദേശി മുരുകൻ മരിച്ച സംഭവത്തെക്കുറിച്ച് അന്വേഷിച്ച ആരോഗ്യ വകുപ്പ്  സംഘത്തിന്‍റെ റിപ്പോർട്ട് പുറത്തു വിടാതെ സർക്കാർ.  റിപ്പോർട്ട് നൽകി രണ്ടു ദിവസം പിന്നിട്ടിട്ടും അതിലെ കണ്ടെത്തലുകളെ കുറിച്ചു പ്രതികരിക്കാൻ  ആരോഗ്യ വകുപ്പ് തയാറായിട്ടില്ല .

ആരോഗ്യ വകുപ്പ്  ഡയറക്ടറൂം മെഡിക്കൽ വിദ്യാഭ്യാസ വകുപ്പ്  ജോയിന്‍റ് ഡയറക്ടറും അടങ്ങിയ സംഘം ആരോഗ്യ വകുപ്പു  സെക്രട്ടറി രാജീവ് സദനന്ദനാണ് റിപ്പോർട്ട് നൽകിയത്. 

റിപ്പോർട്ട് കിട്ടിയെങ്കിലും അതേക്കുറിച്ചു പഠിച്ചിട്ടില്ലെന്നാണ്ആരോഗ്യ മന്ത്രിയുടെയും സെക്രട്ടറിയുടെയും നിലപാട് . ഈ റിപ്പോർട്ട് കിട്ടാത്തതിനാൽ അന്തിമ റിപ്പോർട്ട്  നല്കാനാകാത്ത അവസ്ഥയിലാണ് കേസ്  അന്വേഷിക്കുന്ന പോലീസും.