മുത്തങ്ങ വാര്ഷികത്തില് രണ്ടായി തിരിഞ്ഞ് ഗോത്രമഹാസഭയുടെ അനുസ്മരണ പരിപാടികള്
Synopsis
സി.കെ.ജാനുവിന്റെ നിലപാടാണ് ആദിവാസി ഐക്യത്തില് വിള്ളലുണ്ടാക്കിയതെന്ന് ഗീതാനനന്ദന് കുറ്റപ്പെടുത്തി. എന്നാല് ആദിവാസികള് ഒറ്റക്കെട്ടാണെന്ന് ഗോത്ര പൂജയ്ക്കെത്തിയ സി.കെ.ജാനു പറഞ്ഞു.
മുത്തങ്ങ സമരത്തിനു ശേഷം കഴിഞ്ഞ പതിമൂന്ന് വര്ഷങ്ങളിലും സി.കെ.ജാനുവും ഗീതാനന്ദനും ഒരുമിച്ചാണ് അനുസ്മരണ പരിപാടിക്കെത്തിയിരുന്നത്.എന്നാല് കഴിഞ്ഞ നിയമസഭാ തെരഞ്ഞെടുപ്പില് സി.കെ.ജാനു എന്ഡിഎ യുടെ ഭാഗമായതിനെ തുടര്ന്ന് ഇരുവരും അകന്നു.ഇതോടെ മുത്തങ്ങ അനുസ്മരണ പരിപാടിയും രണ്ടായി.
ഗീതാനന്ദന്റെ നേതൃത്വത്തിലുള്ള വിഭാഗമാണ് ആദ്യം ഗോത്ര പൂജയ്ക്കെത്തിയത്. രണ്ടാമതായി സി.കെ.ജാനുവിന്റെ നേതൃത്വത്തിലും ഗോത്ര പൂജ നടന്നു.നേതാക്കള് രണ്ടു തട്ടിലാണെങ്കിലും ആദിവാസികള് ഒറ്റക്കെട്ടാണെന്ന് സി.കെ.ജാനു പറഞ്ഞു. സംഘടനയില് വിള്ളലുണ്ടായെങ്കിലും ആദിവാസി ഭൂ സമരങ്ങള് കൂടുതല് ശക്തമാക്കാനുള്ള തീരുമാനത്തിലാണ് ഇരു വിഭാഗങ്ങളും.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam