പുരസ്കാര നേട്ടം ഇരട്ടി മധുരമെന്ന് നമ്പി നാരായണൻ

പത്മഭൂഷണ്‍ പുരസ്കാരം ലഭിച്ചത് ഇരട്ടി മധുരമെന്ന് മുന്‍ ഐ എസ് ആര്‍ ഒ ശാ​സ്ത്ര​ജ്ഞ​ൻ നമ്പി നാരായണൻ. തന്‍റെ പോരാട്ടം ജനങ്ങളും രാജ്യവും അംഗീകരിച്ചതില്‍ നന്ദിയുണ്ടെന്നും നമ്പി നാരായണന്‍.

തിരുവനന്തപുരം: നീതിക്കായുള്ള  പോരാട്ടത്തിന്‍റെ ഒടുവിലാണ് പത്മഭൂഷൺ നൽകി രാജ്യം നമ്പി  നാരായണനെ ആദരിക്കുന്നത്. പ്രതിസന്ധി ഘട്ടങ്ങളിൽ ഒപ്പം നിന്ന ഏഷ്യാനെറ്റ് ന്യൂസിനടക്കം നന്ദി പറഞ്ഞു കൊണ്ടായിരുന്നു  നമ്പി നാരായണന്‍റെ പ്രതികരണം.

പത്മഭൂഷണ്‍ പുരസ്കാരം ലഭിച്ചത് ഇരട്ടി മധുരമെന്ന് മുന്‍ ഐ എസ് ആര്‍ ഒ ശാ​സ്ത്ര​ജ്ഞ​ൻ നമ്പി നാരായണൻ പറഞ്ഞു. തന്‍റെ പോരാട്ടം ജനങ്ങളും രാജ്യവും അംഗീകരിച്ചതില്‍ നന്ദിയുണ്ടെന്നും നമ്പി നാരായണന്‍ പ്രതികരിച്ചു. ഇതുവരെ കേന്ദ്രസര്‍ക്കാരില്‍ നിന്ന് പരിഗണന ലഭിച്ചിരുന്നില്ല. ഇപ്പോള്‍ ലഭിച്ച ഈ പുരസ്കാരം വലിയ അംഗീകാരമായിട്ടാണ് കരുതുന്നതെന്ന് നമ്പി നാരായണൻ കൂട്ടിച്ചേര്‍ത്തു. പുരസ്കാര പ്രചരിച്ചതോടുകൂടി നമ്പി നാരായണന് അഭിനന്ദന പ്രവാഹമാണ്. ഒപ്പം നിന്ന എല്ലാവർക്കുമായി ബഹുമതി സമർപ്പിക്കുന്നെന്ന് നമ്പി നാരായണൻ പറഞ്ഞു.