നിപ വൈറസ്: കുർബാന കൈയിൽ സ്വീകരിക്കാൻ നിർദേശം

ശാസ്ത്രത്തിൽ വിശ്വസിക്കണമെന്നും ആരോ​ഗ്യവകുപ്പിന്റെ നിർദേശങ്ങൾ പാലിക്കണമെന്നും വിശ്വാസികളോട് ഇടയലേഖനത്തിലൂടെ ആവശ്യപ്പെടുന്നു. 

കോഴിക്കോട്: നിപ വൈറസ് പടരുന്ന സാഹചര്യത്തിൽ മുൻകരുതൽ നടപടികളുമായി താമരശ്ശേരി രൂപത. നിപ  വൈറസിനെതിരായ ജാ​ഗ്രതയെന്ന നിലയിൽ കുർബാന കയ്യിൽ സ്വീകരിക്കാൻ ഇടയലേഖനത്തിലൂടെ സഭ വൈദികർക്കും വിശ്വാസികൾക്കും നിർദേശം നൽകി. 

ഇതോടൊപ്പം നിപ വൈറസ് ജാ​ഗ്രത പിൻവലിക്കും വരെ കുടുംബസം​ഗമങ്ങൾ, മറ്റു പൊതുചടങ്ങുകൾ എന്നിവ മാറ്റിവയ്ക്കണമെന്നും ഇടയലേഖനത്തിൽ നിർദേശിക്കുന്നുണ്ട്. ശാസ്ത്രത്തിൽ വിശ്വസിക്കണമെന്നും ആരോ​ഗ്യവകുപ്പിന്റെ നിർദേശങ്ങൾ പാലിക്കണമെന്നും വിശ്വാസികളോട് ഇടയലേഖനത്തിലൂടെ ആവശ്യപ്പെടുന്നു.