ഭൂഖണ്ഡാന്തര ബാലിസ്​റ്റിക്​ മിസൈൽ; പരീക്ഷണം അന്തിമഘട്ടത്തിലെന്ന്​ ഉത്തരകൊറിയ

സോൾ​: ഭൂഖണ്ഡാന്തര ബാലിസ്​റ്റിക്​ മിസൈൽ പരീക്ഷണം അവസാനഘട്ടത്തിലാണെന്ന്​ ഉത്തരകൊറിയൻ  പ്രസിഡൻറ്​ കിം ജോങ്​.  ഉത്തരകൊറിയൻ ദേശീയ ചാനലിലൂടെ പുതുവൽസര സന്ദേശം നൽകിന്നതിനിടയിലാണ്​ ​ ഉന്നിന്‍റെ പ്രഖ്യാപനം.

ലോകത്തിലെ വന്‍ശക്തികളെന്ന് അവകാശപ്പെടുന്ന ഒരു സൈന്യത്തിനും ഇനി ഉത്തരകൊറിയയെ ആക്രമിക്കാൻ സാധിക്കില്ലെന്നും 2017ൽ ഉത്തരകൊറിയ വൻ ആണവശക്​തിയായി ഉയരുമെന്നും അദ്ദേഹം പറഞ്ഞു.  

കഴിഞ്ഞ വർഷം ഉത്തരകൊറിയ രണ്ട്​  ആണവ പരീക്ഷണങ്ങൾ നടത്തുകയും നിരവധി മിസൈലുകൾ പരീക്ഷിക്കുകയും ചെയ്​തിരുന്നു. ഇതിനെ തുടർന്ന്​ അമേരിക്ക അടക്കമുള്ള പല രാജ്യങ്ങൾ ഉത്തരകൊറിയക്കുമേൽ ഉപരോധം ഏർപ്പെടുത്തിയിരുന്നു.