സാമ്പത്തിക സംവരണം: കേന്ദ്രസര്‍ക്കാറിന പ്രശംസിച്ച് എന്‍എസ്എസ്

സാമ്പത്തിക സംരവരണ ബില്ല് പാസാക്കിയതിന് കേന്ദ്ര സര്‍ക്കാറിനെ പ്രശംസിച്ച് എന്‍എസ്എസ്. 

തിരുവനന്തപുരം: സാമ്പത്തിക സംരവരണ ബില്ല് പാസാക്കിയതിന് കേന്ദ്ര സര്‍ക്കാറിനെ പ്രശംസിച്ച് എന്‍എസ്എസ്. പിന്നാക്കക്കാരിലെ പിന്നാക്കക്കാര്‍ക്ക് പത്ത് ശതമാനം സംവരണം വിഭാവനം ചെയ്യുന്ന ബില്ല് രാജ്യസഭയിലും പാസാക്കിയതിന് പിന്നാലെയാണ് എന്‍എസ്എസിന്‍റെ പ്രതികരണം.

സംവരണം നൽകിയത് സ്വാഗതാർഹമാണ്. എല്ലാ വിഭാഗങ്ങൾക്കും സാമൂഹ്യനീതി ഉറപ്പു വരുത്താനുള്ള ഇച്ഛാശക്തിയും നീതിബോധവും സർക്കാർ തെളിയിച്ചുവെന്നും എന്‍എസ്എസ് വ്യക്തമാക്കി.

ലോക്സഭയ്ക്ക് പിന്നാലെ രാജ്യസഭയിലും സാമ്പത്തക സംവരണ ബില്ല് പാസാക്കിയിരുന്നു.നേരത്തെ ലോക്സഭയില്‍ പാസാക്കിയ ബില്ല് 165 പേരുടെ പിന്തുണയോടെയാണ് രാജ്യസഭയില്‍ പാസാക്കിയത്. ബില്ലില്‍ രാഷ്ട്രപതി ഒപ്പു വയ്ക്കുന്നതോടെ ചരിത്രപരമായ ഭരണഘടനാ ഭേദഗതി നിലവില്‍ വരും.