അനിശ്ചിതകാല പണിമുടക്കിലേയ്ക്ക് സംസ്ഥാനത്തെ സ്വകാര്യ ആശുപത്രിയിലെ നഴ്സുമാർ
Synopsis
തിരുവനന്തപുരം: സ്വകാര്യ ആശുപത്രി നഴ്സുമാർ സംസ്ഥാന വ്യാപക പണിമുടക്കിലേക്ക് . ഫെബ്രുവരി ആദ്യ വാരം സമരം തുടങ്ങും . ചേർത്തല കെ വി എം ആശുപത്രിയിലെ നഴ്സുമാരുടെ സമരം ഒത്തുതീര്പ്പാക്കാത്തതില് പ്രതിഷേധിച്ചാണ് പണിമുടക്ക് തുടങ്ങുന്നത് .
ഒരിടവേളയ്ക്കുശേഷം സ്വകാര്യ ആശുപത്രികളിലെ നഴ്സുമാര് വീണ്ടും സമരത്തിലേക്ക് നീങ്ങുകയാണ് . ജോലിയില് നിന്ന് പൂര്ണമായും വിട്ടുനിന്നുകൊണ്ട് സമരം ചെയ്യാനാണ് തീരുമാനം . ചേര്ത്തല കെ വി എം ആശുപത്രിയിലെ നഴ്സുമാരുടെ സമരം 154 ദിനം പിന്നിട്ടിട്ടും പരിഹാര ശ്രമങ്ങളില്ലാത്തതാണ് നഴ്സുമാരെ പ്രകോപിപ്പിച്ചത് .
ഈ മാസം അവസാനത്തോടെ നഴ്സ്സ് അസോസിയേഷന് സംസ്ഥാന ഭാരവാഹികള് അനിശ്ചിതകാല നിരാഹാരം തുടങ്ങും . സമരം തുടങ്ങിയാല് സ്വകാര്യ ആശുപത്രികളുടെ പ്രവർത്തനത്തെ സാരമായി ബാധിക്കുമെന്നതിനാല് ഉടന് സർക്കാര് തലത്തില് ചര്ച്ചകളുണ്ടായേക്കുമെന്നാണ് സൂചന.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam