നഴ്സുമാരുടെ സമരം തുടരും; ചര്‍ച്ച പരാജയം

നഴ്സുമാരുമായുള്ള ചര്‍ച്ച പരാജയം ചേര്‍ത്തലയിലെ കെവി എം ആശുപത്രിയിലെ സമരം തുടരും ഈ മാസം 14 ന് ലേബര്‍ കമ്മീഷണറുമായി വീണ്ടും ചര്‍ച്ച

ആലപ്പുഴ: ചേർത്തല കെവിഎം ആശുപത്രിയിലെ നഴ്സുമാരുടെ സമരം ഒത്തുതീർപ്പാക്കാനുള്ള ചര്‍ച്ച പരാജയം. ചേര്‍ത്തലയിലെ കെവി എം ആശുപത്രിയിലെ സമരം തുടരും. ഈ മാസം പതിനാലിന് ലേബര്‍ കമ്മീഷണറുമായി വീണ്ടും ചര്‍ച്ച. നഴ്സുമാര്‍ക്കെതിരായ അച്ചടക്കനടപടി പിന്‍വലിക്കാനാകില്ലെന്ന് മാനേജ്മെന്‍റ് വ്യക്തമാക്കിയതോടെയാണ് ചര്‍ച്ച പരാജയപ്പെട്ടത്. 

പിരിച്ചുവിട്ട നഴ്സുമാരെ തിരിച്ചെടുക്കുക, 2013ലെ മിനിമം വേതനം നടപ്പാക്കുക , ഷിഫ്റ്റ് സമ്പ്രദായം അനുവദിക്കുക തുടങ്ങിയവയാണ് പ്രധാന ആവശ്യങ്ങള്‍. എന്നാല്‍ പിരിച്ചുവിട്ട നഴ്സുമാരെ തിരിച്ചെടുക്കുന്ന കാര്യത്തില്‍ വിട്ടുവീഴ്ചയ്ക്ക് സാധ്യത കുറവാണ്. മാനേജ്മെന്‍റ് കടുംപിടിത്തം തുടര്‍ന്നാല്‍ മുഖ്യമന്ത്രി ഇടപെട്ടേക്കുമെന്നാണ് സൂചന. കെ വി എമ്മിലെ സമരം ഇന്ന് 197-ാം ദിവസമാണ് .