ഓഖി ചുഴലിക്കാറ്റ്  തീരത്തിനടുത്ത്: കല്‍പ്പേനിയില്‍ ഹെലിപ്പാഡ് വെള്ളത്തിനടിയിലായി

കൊച്ചി: ഓഖി ചുഴലിക്കാറ്റ് ലക്ഷദ്വീപ് തീരത്തിനടുത്ത് എത്തി. ലക്ഷദീപില്‍ ചുഴലിക്കാറ്റ് കനത്ത നാശനഷ്ടങ്ങളുണ്ടാകാൻ സാധ്യതയുണ്ടെന്നാണ് റിപ്പോര്‍ട്ട്. കൂറ്റൻ തിരമാലകളുണ്ടാകുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കി. താഴ്ന്ന പ്രദേശങ്ങളിൽ വെള്ളം കയറുമെന്നും മുന്നറിയിപ്പുണ്ട് . പുലർച്ചെ രണ്ടരയോടെ ചുഴലിക്കാറ്റ് ലക്ഷദ്വീപ് ഭാഗത്തെത്തും. ദേശീയ ദുരന്ത നിവാരണ സേന നാളെ പുലർച്ചെ കവരത്തിയിലെത്തും. വെള്ളപ്പൊക്കത്തില്‍ ലക്ഷദ്വീപിലെ കല്‍പ്പേനിയില്‍ ഹെലിപ്പാഡ് വെള്ളത്തിനടിയിലായി. കല്‍പ്പേനിയില്‍ നിന്നും അഞ്ച് മത്സ്യത്തൊഴിലാളികളുമായി പോയ ബോട്ട് കാണാതായി.