വിനോദസഞ്ചാര മേഖലയിൽ കുതിപ്പ് ലക്ഷ്യമിട്ട് ഒമാന്‍ സര്‍ക്കാര്‍

വിനോദ സഞ്ചാര മേഖലയിൽ വന്‍കുതിപ്പ് ലക്ഷ്യമിട്ട് ഒമാന്‍ സര്‍ക്കാര്‍

മസ്കറ്റ്: വിനോദ സഞ്ചാര മേഖലയിൽ വന്‍കുതിപ്പ് ലക്ഷ്യമിട്ട് ഒമാന്‍ സര്‍ക്കാര്‍. ബുധനാഴ്ച മുതല്‍ ഓണ്‍ലൈനിലൂടെ സന്ദര്‍ശക വിസ ലഭ്യമാക്കാന്‍ നടപടി എടുത്തതായി വിനോദ സഞ്ചാര മന്ത്രാലയ അണ്ടർ സെക്രട്ടറി മൈത്ത അൽ മഹറൂഖി വ്യക്തമാക്കി. ഒമാനിലെ വിനോദ സഞ്ചാര മേഖലയുടെ അവിഭാജ്യ ഘടകമാണ് ഇന്ത്യൻ വിപണിയെന്നും അദ്ദേഹം പറഞ്ഞു.

മസ്കറ്റ് അന്താരാഷ്ട്ര വിമാനത്താവളത്തിന്റെ പുതിയ ടെർമിനൽ മാർച്ച് 20ന് പ്രവർത്തനം ആരംഭിക്കുന്നതിനോട് കൂടി രാജ്യത്തേക്ക് വരുന്ന യാത്രക്കാരുടെ എണ്ണത്തിൽ 13 ശതമാനം വർധനവ് ഉണ്ടാകും. ഇത് ഒമാന്റെ ആഭ്യന്തര ഉത്പാദന വളർച്ചക്ക് നേരിട്ടു പ്രയോജനപെടുമെന്നു ഒമാൻ വിനോദ സഞ്ചാര മന്ത്രലായ അണ്ടർ സെക്രട്ടറി മൈത്ത അൽ മഹറൂഖി പറഞ്ഞു.

രാജ്യത്തിന്റെ പല ഭാഗങ്ങളിലായി വിവിധ നിലവാരത്തിലുള്ള 20 ,000 ത്തോളം ഹോട്ടൽ മുറികളും സജ്ജമായി കഴിഞ്ഞു. 2020 ആകുമ്പോഴേക്കും  ഒമാനിൽ എത്തുന്ന സന്ദർശകരുടെ എണ്ണത്തിൽ വൻ വർധന ഉണ്ടാകും. സഞ്ചാര മേഖലക്ക് ഇന്ത്യൻ വിപണി ഒരു പ്രധാന ശ്രോതസ് ആണെന്നും അൽ മഹറൂഖി പറഞ്ഞു.

മാർച്ച് 21 മുതൽ രാജ്യത്തേക്ക് വരുന്ന വിനോദ സഞ്ചാരികൾക്കു ഓൺലൈനിലൂടെ മുൻകൂട്ടി സന്ദർശക വിസക്ക് അപേക്ഷിക്കുവാൻ സാധിക്കും.വിസ ലഭിക്കുവാൻ rop.gov.com എന്ന വെബ്ബ് സൈറ്റിലൂടെ ആണ് അപേക്ഷകൾ സമർപ്പിക്കണ്ടത്.