സ്വദേശികൾക്കു തൊഴിലെന്ന പ്രഖ്യാപനം ലക്ഷ്യത്തിലേക്കെന്ന് ഒമാൻ

ആറു മാസത്തിനുള്ളിൽ  25 ,000  സ്വദേശികൾക്കു തൊഴിൽ നൽകുമെന്ന സർക്കാര്‍  പ്രഖ്യാപനം  ലക്ഷ്യം കണ്ടുവരുന്നതായി ഒമാൻ മാനവ  വിഭവ ശേഷി  മന്ത്രാലയം. മെയ്  മാസം  അവസാനത്തിനുള്ളിൽ മുഴുവൻ പേർക്കും ജോലി നൽകാൻ കഴിയുമെന്ന്  അധികൃതര്‍ അറിയിച്ചു. ഇതിനായി രാജ്യത്തിന്‍റെ വിവിധ  ഇടങ്ങളിൽ എഴുത്തുപരീ7കളും അഭിമുഖങ്ങളും നടന്നുവരികയാണ്.

2017  ഡിസംബർ  മൂന്നു മുതൽ  മാർച്ച് 19 വരെ  12 ,277  യുവാക്കൾക്കും 6067  യുവതികൾക്കുമായി   18 ,344  സ്വദേശികൾക്കാണ്  രാജ്യത്തെ  സ്വകാര്യ സ്ഥാപനങ്ങളിൽ ഒമാൻ മാനവ  വിഭവ ശേഷി  മന്ത്രാലയം. തൊഴിൽ നൽകിയിരിക്കുന്നത് .

 നിർമാണ മേഖലയിലാണ് 33 %   പേർക്കും നിയമനങ്ങൾ ലഭിച്ചിരിക്കുന്നത്. അടുത്ത രണ്ടു മാസത്തിനുള്ളിൽ 6656  ഒമാൻ സ്വദേശികൾക്കുകൂടി തൊഴിൽ കണ്ടത്തുവാനുള്ള   എഴുത്തു പരീക്ഷകളും   അഭിമുഖങ്ങളും  രാജ്യത്തു  പുരോഗമിച്ചു വരികയാണ് .

ഇനിയും കൃത്യമായ   സ്വ​ദേ​ശി​വ​ത്​​ക​ര​ണം  നടപ്പിലാക്കാത്ത   ക​മ്പ​നി​ക​ൾ​ക്കെ​തി​രെ ക​ർ​ശ​ന നടപടികളുമായി മുന്നോട്ടുപോകുമെന്നും  ഇതിനായുള്ള   പരിശോധനകൾ ശക്തമാക്കുമെന്നും മന്ത്രാലയം  വാർത്താകുറിപ്പിലൂടെ  വ്യക്തമാക്കുന്നുണ്ട് .  നിശ്ചിത ലക്‌ഷ്യം പിന്നിട്ടു , സമയ പരിധി കഴിഞ്ഞാലും തൊഴിൽ  ആവശ്യമായി വരുന്ന  എല്ലാ  സ്വദേശികൾക്കും  സർക്കാർ  തൊഴിൽ    കണ്ടെത്തും .