സര്‍ക്കാര്‍ പദ്ധതികള്‍ ഫലം കാണുന്നു; കയറ്റുമതിയില്‍ ഒമാന് വന്‍ നേട്ടം

ഒമാനിലെ എണ്ണയിതര ഉല്‍പന്നങ്ങളുടെ കയറ്റുമതിയില്‍ 14 ശതമാനം  വര്‍ദ്ധന രേഖപ്പെടുത്തി. രാജ്യത്തിന്റെ  മൊത്തം ഉത്പന്നങ്ങളുടെ കയറ്റുമതിയിലും  10.3%ത്തിന്റെ വര്‍ദ്ധനവ് രേഖപ്പെടുത്തിയിട്ടുണ്ട്. എണ്ണയിതര വരുമാനം വര്‍ദ്ധിപ്പിക്കാന്‍ ഒമാന്‍ സര്‍ക്കാര്‍ വിവിധ പദ്ധതികളാണ് നടപ്പിലാക്കിവരുന്നത്.

ഈ വര്‍ഷത്തെ ആദ്യ പകുതിയില്‍ 751.80 ദശ​ലക്ഷം ഒമാനി റിയാലായിരുന്നു കയറ്റുമതി. ഇത് 2016ല്‍ 659.4 ദശലക്ഷം ഒമാനി റിയാല്‍ ആയിരുന്നു. 14 ശതമാനത്തിന്റെ വര്‍ദ്ധനവാണ് ഉണ്ടായിരിക്കുന്നത്. ഒമാന്‍ ദേ​ശീ​യ സ്​​ഥി​തി  വിവര മന്ത്രാലയം പ്രസിദ്ധികരിച്ച ഈ വര്‍ഷത്തെ  ആദ്യ പകുതിയിലെ കണക്കുകള്‍ പ്രകാരമാണ്  കയറ്റുമതിയിലെ  വര്‍ദ്ധനവ് സൂചിപ്പിച്ചിരിക്കുന്നത്. രാസ വസ്തുക്കള്‍  , പ്ലാ​സ്​​റ്റി​ക്​​,   അ​ടി​സ്​​ഥാ​ന ലോ​ഹ ഉ​ല്‍​പ​ന്ന​ങ്ങ​ള്‍  എ​ന്നി​വ​യു​ടെ  കയറ്റുമതിയിലാണ്  വര്‍ദ്ധനവ് ഉണ്ടായിരിക്കുന്നത്.

 രാജ്യത്തിന്റെ  മൊ​ത്തം ഉ​ല്‍​പ​ന്ന​ങ്ങ​ളു​ടെ ക​യ​റ്റു​മ​തി​യി​ലും  10.3 ശ​ത​മാ​ന​ത്തി​​ന്റെ വ​ര്‍​ധ​ന​യു​ണ്ടാ​യി. 2016ല്‍ 2586.4 ദ​ശ​ല​ക്ഷം ഒമാനി  റി​യാ​ലി​ന്റെ ആകെ കയറ്റുമതിയായിരുന്നു  ആകെ നടന്നത്. ഇത്  ഈ വര്‍ഷം 2,852.4  ദ​ശ​ല​ക്ഷം റിയാലായിട്ടാണ് വര്‍ധിച്ചത്.  എ​ണ്ണ, പ്ര​കൃ​തി വാ​ത​ക ക​യ​റ്റു​മ​തി​യി​ല്‍ നിന്നു​ള്ള വ​രു​മാ​നത്തില്‍ 28.4 ശ​ത​മാ​നം  വര്‍ധനവാണ് രേഖപെടുത്തിയിരിക്കുന്നത്. എ​ണ്ണ​യി​ത​ര വ​രു​മാ​നം വ​ര്‍​ധി​പ്പി​ക്കാ​ന്‍   ഒമാന്‍  സര്‍ക്കാര്‍ വിദേശ രാജ്യങ്ങളില്‍ ഒമാനി ഉത്പന്നങ്ങളുടെ  നിരവധി  പ്രദര്‍ശനങ്ങളും സംഘടിപ്പിച്ചു വരുന്നുണ്ട്.