ഐഎസ്ആര്ഒയില് ജോലി വാഗ്ദാനം ചെയ്ത് തട്ടിപ്പ്; ഒരാള് അറസ്റ്റില്
Synopsis
ചോദ്യം ചെയ്യലിൽ നിരവധിയാളുകളിൽ നിന്ന് ഇത്തരത്തിൽ പണം തട്ടിയതായി ജയകൃഷ്ണൻ സമ്മതിച്ചു. മുപ്പതോളം പേരാണ് ജയകൃഷ്ണന്റെ ചതിവലയിൽപ്പെട്ടത്.
തിരുവല്ല: ഇന്ത്യന് സ്പേസ് റിസേര്ച്ച് ഓര്ഗനെെസേഷനില് (ഐഎസ്ആര്ഒ) ജോലി വാഗ്ദാനം ചെയ്ത് പണം തട്ടിയ കേസില് ഒരാള് അറസ്റ്റില്. ചുമത്തറ സ്വദേശി ജയകൃഷ്ണനനെ തിരുവല്ല പൊലീസാണ് പിടികൂടിയത്. ഐഎസ്ആര്ഒയിൽ ജോലി വാഗ്ദാനം ചെയ്ത് പല ഘട്ടങ്ങളിലായി 45,000 രൂപ തട്ടിയെടുത്തെന്ന മാവേലിക്കര സ്വദേശിയുടെ പരാതിയിലാണ് അറസ്റ്റ്.
ചോദ്യം ചെയ്യലിൽ നിരവധിയാളുകളിൽ നിന്ന് ഇത്തരത്തിൽ പണം തട്ടിയതായി ജയകൃഷ്ണൻ സമ്മതിച്ചു. മുപ്പതോളം പേരാണ് ജയകൃഷ്ണന്റെ ചതിവലയിൽപ്പെട്ടത്. ഇയാളുടെ ബാങ്ക് അക്കൗണ്ട് പൊലീസിന്റെ നിരീക്ഷണത്തിലായിരുന്നു. പൊലീസിന്റെ നിര്ദ്ദേശാനുസരണം ബാങ്ക് അക്കൗണ്ട് മരവിപ്പിച്ചു. ഇത് അന്വേഷിച്ച് ജയകൃഷ്ണൻ ബാങ്കിൽ ചെന്നപ്പോൾ ബാങ്ക് മാനേജര് പൊലീസിനെ വിവരം അറിയിച്ചതോടെ പ്രതി വലയിലാകുകയായിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam