അഭിമന്യു വധം; ഒരാള്‍ തിരുവനന്തപുരത്ത് പിടിയില്‍

തിരുവനന്തപുരം: അഭിമന്യു വധക്കേസുമായി ബന്ധപ്പെട്ട്  പൊലീസ് തിരയുന്നയാൾ മറ്റൊരു കേസിൽ തിരുവനന്തപുരത്ത് പിടിയിൽ. ആലുവ സ്വദേശി അനസിനെയാണ് വലിയതുറ പൊലീസ് കസ്റ്റഡിയിലെടുത്തത്.

ഹവാല സ്വർണം തട്ടിയെടുക്കാൻ ശ്രമിച്ച കേസിലാണ് അനസ് ഉൾപ്പെടെ അഞ്ചു പേരെ വലിയതുറ പൊലീസ് കസ്റ്റഡിയിലെടുത്തത്.

നേരത്തെ എഡിപിഐയുമായി ബന്ധപ്പെട്ട കേസുകളിൽ  ഇയാളെ പൊലീസ് ചോദ്യം ചെയ്ത് വിട്ടിരുന്നു. കൂടുതൽ ചോദ്യംചെയ്യലിനായി ഇയാളെ ഇന്ന്എറണാകുളം പൊലീസിന് കൈമാറും.