സിപിഐക്ക് പി ജയരാജന്റെ മറുപടി

അക്രമങ്ങൾക്ക് മുന്നിൽ തൊഴുകയ്യോടെ നിൽക്കുന്ന അടിമ മനോഭാവമുള്ളവരല്ല കണ്ണൂരിലുള്ളതെന്ന് പി ജയരാജൻ. ആർഎസ്എസ് അക്രമത്തിന് മുന്നിൽ സിപിഎം മുട്ടുമടക്കില്ല. കാനത്തിന് നിഷേധിക്കാനാവാത്ത ചരിത്രം കണ്ണൂരിനുണ്ടെന്നും പി ജയരാജൻ പറഞ്ഞു.

അതേസമയം കണ്ണൂരിലെ അക്രമം അവസാനിപ്പിക്കാന്‍ സർവകക്ഷിയോഗത്തിന് തയ്യാറെന്ന് മുഖ്യമന്ത്രി പിണറായി വിജയന്‍ പറഞ്ഞു. ആദ്യം ജില്ലാതലയോഗവും പിന്നീട് സംസ്ഥാനതല നേതാക്കളുടെ യോഗവും നടത്താം. ചർച്ചയ്ക്ക് മുന്പ് ഇനി കൊല്ലില്ലെന്ന് അതുമായി ബന്ധപ്പെട്ടവർ തീരുമാനിക്കണമെന്നുംമുഖ്യമന്ത്രി പറഞ്ഞു.

ആര്‍എസ്എസിന്റെ ബോധപൂർവ്വമായ ഇടപെടലാണ് കണ്ണൂരിലെ അക്രമങ്ങൾക്ക് കാരണമെന്നും മുഖ്യമന്ത്രി പിണറായി വിജയന്‍ പറഞ്ഞു. ഏറ്റവുമധികം കൊലപാതകം നടക്കുന്ന ജില്ല കണ്ണൂർ അല്ല. ആറാം സ്ഥാനം മാത്രമാണ് കണ്ണൂരിനുള്ളത്. കണ്ണൂർ കൊലപാതകങ്ങളിൽ ജനങ്ങളിൽ ഭയാശങ്കയില്ല. കണ്ണൂരിലെ എല്ലാ കൊലപാതകങ്ങളും രാഷ്ട്രീയ കൊലപാതകങ്ങളല്ലെന്നും പിണറായി വിജയന്‍ പറഞ്ഞു.