വ്യാജ ബിരുദം; മൂന്ന് പൈലറ്റുകൾ ഉൾപ്പടെ 50 പേരെ പാകിസ്ഥാൻ ഇന്റര്നാഷണല് എയര്ലൈന്സ് പുറത്താക്കി
Synopsis
ക്യാബിൻ അംഗങ്ങളും മൂന്ന് പൈലറ്റുകളും പുറത്താക്കിയവരില് ഉള്പ്പെടും.
കറാച്ചി: വ്യാജ ബിരുദം തയ്യാറാക്കി ജോലിയില് പ്രവേശിച്ച മൂന്ന് പൈലറ്റുകൾ ഉള്പ്പെടെ 50 പേരെ പുറത്താക്കി. പാകിസ്ഥാന് ഇന്റര്നാഷണല് എയര്ലൈന്സിലെ (പി ഐ എ) ജീവനക്കാരെയാണ് കഴിഞ്ഞ ദിവസം കമ്പനി പുറത്താക്കിയത്. ചീഫ് ജസ്റ്റിസ് സഖീബ് നിസാറിന്റെ അധ്യക്ഷതയിലുള്ള രണ്ടാംഗ ബഞ്ചിന്റെ ഉത്തരവിന്റെ അടിസ്ഥാനത്തിലാണ് നടപടി.
ക്യാബിൻ അംഗങ്ങളും മൂന്ന് പൈലറ്റുകളും പുറത്താക്കിയവരില് ഉള്പ്പെടും. വ്യാജ സര്ട്ടിഫിക്കറ്റുകള് കൈവശം വെച്ച് ഈ വര്ഷം ജനുവരിയിലാണ് മൂന്ന് പൈലറ്റുമാർ ജോലിയിൽ പ്രവേശിച്ചതെന്ന് സഖീബ് നിസാര് കണ്ടെത്തി. ഡിസംബര് 28വരെ ജീവനക്കാരുടെ ബിരുദം സംബന്ധിച്ച കാര്യങ്ങൾ പരിശേധിക്കുന്നതിന് വേണ്ടി കോടതി പ്രത്യേക സമിതിയെ നിയമിച്ചിരുന്നു. എന്നാൽ അന്വേഷണത്തിൽ ജീവനക്കാർ ഹാജരാക്കിട്ടുള്ള രേഖകളെല്ലാം വ്യാജമെന്ന് കണ്ടെത്തുകയായിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam